ടെൽ അവീവ് : പലസ്തീൻ-ഇസ്രായേൽ സംഘർഷം അതിരൂക്ഷമായി തുടരുന്നു. 1,600 ലധികം റോക്കറ്റുകൾ പലസ്തീന് നേരെ പ്രയോഗിച്ചതായി ഇസ്രായേൽ സൈന്യം വ്യക്തമാക്കി. ഇസ്രായേൽ പലസ്തീന് മേൽ പോർവിമാനം ഉപയോഗിച്ച് വ്യോമാക്രമണങ്ങൾ തുടരുകയാണ്. ഗാസയിൽ 600 സ്ഥലങ്ങളിൽ ആക്രമണം നടത്തിയതായി ലഫ്റ്റനന്റ് കേണൽ ജോനാഥൻ കോൺറിക്കസ് സ്ഥിരീകരിച്ചു.
പഴയ നഗരമായ ജറുസലേമിലെ അൽ-അഖ്സാ പള്ളിയിലും പരിസരത്തും ഏറ്റുമുട്ടലുകൾ നടന്നു. ഇസ്ലാമിലെ മൂന്നാമത്തെ ഏറ്റവും വിശുദ്ധമായ സ്ഥലമായാണ് ഈ പള്ളി അറിയപ്പെടുന്നത് . ഇസ്രായേലി യുദ്ധവിമാനങ്ങൾ ഗാസ സിറ്റിയുടെ ഹൃദയഭാഗത്തുള്ള നിരവധി കെട്ടിടങ്ങളെ ലക്ഷ്യം വച്ചിട്ടുണ്ടെന്നും റിപ്പോർട്ടുണ്ട് .
ഖഡാഡയുടെ പ്ലാനറ്റ് ഫോർ ഡിജിറ്റൽ സൊല്യൂഷൻസ് ഉൾപ്പെടെയുള്ള റെസിഡൻഷ്യൽ അപ്പാർട്ടുമെന്റുകളും വാണിജ്യ ഓഫീസുകളും ചേർന്ന ഹനാഡിയടക്കം ഇസ്രായേൽ ലക്ഷ്യമിട്ടിട്ടുണ്ട് . ഇസ്രയേൽ പ്രതിരോധ സേനാ മേധാവിയുടെ മാർഗനിർദേശപ്രകാരം കാലാൾപ്പടയുമായി ഗ്രൗണ്ട് ഓപ്പറേഷനും തയാറെടുക്കുകയാണെന്ന റിപ്പോ‌ർട്ടുകളും പുറത്തുവരുന്നുണ്ട്.
