മോസ്‌കോ: റഷ്യന്‍ നിര്‍മ്മിത കൊറോണ പ്രതിരോധ വാക്‌സിനായ സ്പുട്‌നിക് 5ന്റെ ആദ്യ ബാച്ച്‌ ശനിയാഴ്ച ഇന്ത്യയിലെത്തുമെന്ന് റഷ്യന്‍ ഡയറക്‌ട് ഇന്‍വെസ്റ്റ്‌മെന്റ് ഫണ്ട് (ആര്‍ഡിഐഎഫ്) മേധാവി കിറില്‍ ദിമിത്രീവ് അറിയിച്ചു. റഷ്യന്‍ വാക്‌സിന്‍ മഹാമാരിയെ മറികടക്കാന്‍ ഇന്ത്യയെ സഹായിക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
ആദ്യ ഘട്ടത്തില്‍ എത്രമാത്രം വാക്‌സിന്‍ അയക്കുമെന്നോ എവിടെയായിരിക്കും നിര്‍മാണം എന്നതിനേക്കുറിച്ചോ അറിയിച്ചിട്ടില്ല. ഇന്ത്യയില്‍ പ്രതിമാസം 50ദശലക്ഷം ഡോസ് വാക്‌സിന്‍ നിര്‍മ്മിക്കാന്‍ കഴിയുമെന്നാണ് ആര്‍ഡിഐഎഫിന്റെ പ്രതീക്ഷ. രാജ്യത്ത് ഉപയോഗത്തിലെത്തുന്ന മൂന്നാമത്തെ കൊറോണ വാക്‌സിന്‍ ആണ് സ്പുട്‌നിക്ക്.