ധര്‍മശാല: ടിബറ്റന്‍ ആത്മീയ ആചാര്യന്‍ ദലൈ ലാമ കൊറോണ പ്രതിരോധ വാക്‌സിന്‍ സ്വീകരിച്ചു. ഹിമാചല്‍പ്രദേശിലെ ധര്‍മശാലയിലുള്ള സോണല്‍ ആശുപത്രിയില്‍ നിന്നുമാണ് അദ്ദേഹം വാക്‌സിന്‍ സ്വീകരിച്ചത്.
കുത്തിവയ്‌പ്പെടുത്ത് അരമണിക്കൂര്‍ നിരീക്ഷണത്തില്‍ കഴിഞ്ഞതിനു ശേഷമാണ് അദ്ദേഹം ആശുപത്രി വിട്ടത്. കൊറോണ വ്യാപനത്തെ തുടര്‍ന്ന് കഴിഞ്ഞ വര്‍ഷം ജനുവരി മുതല്‍ ദലൈ ലാമ സ്വയം ക്വാറന്‍റൈ നിൽ കഴിയുകയായിരുന്നു. വാക്‌സിന്‍ സ്വീകരിക്കുന്നതിനു വേണ്ടി മാത്രമാണ് അദ്ദേഹം വസതിയില്‍ നിന്നും പുറത്തിറങ്ങിയത്.
