മലപ്പുറം: മയക്ക് മരുന്ന് നല്‍കി പതിനാലുകാരിയെ മാസങ്ങളോളം ക്രൂരമായി എഴുപേർ ക്രൂരമായി പീഡിപ്പിച്ച കേസില്‍ മലപ്പുറത്ത് രണ്ട് പേര്‍ അറസ്റ്റിൽ. ഇന്‍സ്റ്റാഗ്രാമിലൂടെ പരിചയപ്പെട്ട മുഖ്യ പ്രതിയായ യുവാവ് പെണ്‍കുട്ടിയെ മയക്കുമരുന്നിന് അടിമയാക്കിയ ശേഷമാണ് പീഡനത്തിന് ഇരയാക്കിയത്.
വീട്ടുകാര്‍ അറിയാതെ പെണ്‍കുട്ടിയുടെ വീട്ടില്‍ പ്രതികള്‍ മയക്കു മരുന്ന് എത്തിച്ചു കൊടുത്തു. പിന്നാലെ ബ്ലാക്ക് മെയിലിംഗും പീഡനവും തുടര്‍ന്നു. യുവാവിന്റെ സുഹൃത്തുക്കളും മാസങ്ങളോളം പെണ്‍കുട്ടിയെ പീഡിപ്പിച്ചതായും പോലീസ് പറഞ്ഞു.
കേസില്‍ ആകെ ഏഴ് പ്രതികളാണുള്ളതെന്ന് പോലീസ് പറയുന്നു. ശിശു ക്ഷേമസമിതി കുട്ടിയെ ഏറ്റെടുത്ത് അഭയ കേന്ദ്രത്തിലേക്ക് മാറ്റി.