പാൽഘാർ: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ മുന്‍ ഗ്രാമമുഖ്യന്‍ അറസ്റ്റില്‍. മഹാരാഷ്ട്രയിലെ പാല്‍ഘാര്‍ ജില്ലയിലാണ് സംഭവം. മനോര്‍ ഗ്രാമത്തിലെ മുന്‍ ഗ്രാമമുഖ്യനായിരുന്നു അറസ്റ്റിലായ 62കാരന്‍.
കഴിഞ്ഞ ദിവസമാണ് സംഭവം. ഇയാളുടെ വീട്ടില്‍ പഴം ശേഖരിക്കാന്‍ എത്തിയതായിരുന്നു എട്ടു വയസുള്ള കുട്ടി. ചോക്ലേറ്റ് നല്‍കാമെന്ന് പറഞ്ഞ് വീടിനുള്ളിലേക്ക് കൂട്ടിക്കൊണ്ടു പോയാണ് ഇയാള്‍ കുട്ടിയെ പീഡിപ്പിച്ചത്.
കുട്ടിയുടെ കരച്ചില്‍ കേട്ട് ഓടിയെത്തിയ സമീപവാസികൾ ഇയാളെ പിടികൂടുകയായിരുന്നു. തുടര്‍ന്ന് നാട്ടുകാര്‍ ഇയാളെ പോലീസിന് കൈമാറി. പോക്‌സോ വകുപ്പ് പ്രകാരമാണ് ഇയാള്‍ക്കെതിരെ കേസ് രജിസ്റ്റര്‍ ചെയ്തിരിക്കുന്നത്.
