തിരുവനന്തപുരം: അഡീഷണൽ ചീഫ് ഇലക്ടറൽ ഓഫിസർ പിബി നൂഹിന് കൊറോണ സ്ഥിരീകരിച്ചു. പിബി നൂഹ് തന്നെയാണ് കൊറോണ വൈറസ് ബാധിച്ച കാര്യം ഫേസ്ബുക്ക് കുറിപ്പിലൂടെ അറിയിച്ചത്. അദ്ദേഹവുമായി സമ്പർക്കം പുലർത്തിയവർ ടെസ്റ്റിന് വിധേയരാകണമെന്നും, ജാ​ഗ്രത പാലിക്കണമെന്നും കുറിപ്പിൽ പറയുന്നു.

രോ​ഗ ലക്ഷണങ്ങളോടെ അദ്ദേഹത്തെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചിരിക്കുകയാണ്. പത്തനംതിട്ട ജില്ലാ കളക്ടറായിരുന്ന പിബി നൂഹിന് കഴിഞ്ഞ ദിവസമാണ് അഡീഷണൽ ചീഫ് ഇലക്ടറൽ ഓഫിസറായി നിയമനം ലഭിക്കുന്നത്.