ന്യൂഡെൽഹി: ട്വിറ്റർ ഇന്ത്യയുടെ പബ്ലിക് പോളിസി മേധാവി മഹിമ കൗൾ രാജിവച്ചു. ട്വിറ്ററിന്റെ സീനിയർ എക്സിക്യൂട്ടീവാണ് ശനിയാഴ്ച ഇക്കാര്യം സ്ഥിരീകരിച്ചത്. വ്യക്തിപരമായ കാരണങ്ങളാലാണ് രാജി എന്നാണ് ട്വിറ്ററിൻ ഔദ്യോഗിക വിശദീകരണം. കുറച്ച്‌ കാലത്തേക്ക് വിശ്രമിക്കാനാണ് താൻ രാജിവച്ചതെന്നാണ് കൗൾ പറയുന്നത്.
2015 ലായിരുന്നു മഹിമ കൗൾ ട്വിറ്ററിൽ ചേർന്നത്. “farmers genocide” എന്ന ഹാഷ്ടാഗുമായി ബന്ധപ്പെട്ട ട്വീറ്റുകൾ ഒഴിവാക്കാതെ ഇന്ത്യൻ നിയമം ലംഘിച്ചു എന്ന ആരോപണം ട്വിറ്ററിനെതിരെ നിലനിൽക്കുന്ന സമയത്താണ് കൗളിന്റെ രാജി. കർഷക പ്രക്ഷോഭത്തിന് പിന്തുണയും പ്രചോദനവുമായി എന്ന് കാണിച്ച്‌ താൽകാലികമായി പിൻവലിച്ച അക്കൗണ്ടുകൾ വീണ്ടും സജീവമാകാൻ അനുവാദം നൽകിയിരുന്നു.
കർഷക പ്രക്ഷേഭത്തെ പിന്തുണയ്ക്കുന്ന ഹാഷ്ടാഗുകളും ട്വീറ്റുകളും നീക്കം ചെയ്യണമെന്ന ആവശ്യം പരിഗണിക്കാത്തതിനും ഇന്ത്യൻ സർക്കാരിന്റെ എതിർപ്പ് ട്വിറ്റർ മേധാവി നേരിടുന്നുണ്ട്. കർഷക പ്രക്ഷോഭത്തിന് പിന്തുണ നൽകി ട്വീറ്റ് ചെയ്ത അക്കൗണ്ടുകൾ തിങ്കളാഴ്ച ട്വിറ്റർ ബ്ലോക്ക് ചെയ്തിരുന്നു. എന്നാൽ, അഭിപ്രായ സ്വാതന്ത്ര്യം, വാർത്താപ്രാധാന്യമുള്ളവ, എന്നീ കാര്യങ്ങൾ ചൂണ്ടിക്കാട്ടി ട്വിറ്റർ അക്കൗണ്ടുകൾ പുനസ്ഥാപിക്കുകയായിരുന്നു.
ഇതിനിടെ, സർക്കാർ ഫ്ലാഗുചെയ്ത ഇരുനൂറ്റിഅൻപതിലധികം അക്കൗണ്ടുകളും പോസ്റ്റുകളും ട്വിറ്ററിൽ കാണാനിടയായാൽ കമ്പനിക്കെതിരെ നടപടികളുണ്ടാക്കുമെന്ന് ചൂണ്ടിക്കാട്ടി നൽകി ഇലക്‌ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം മുന്നറിയിപ്പ് നൽകി.
