പനാജി: ഐഎസ്എല്ലിൽ കരുത്തരായ എഫ്സി ഗോവയെ സമനിലയിൽ തളച്ച് ഈസ്റ്റ് ബംഗാൾ. ഇരുടീമുകളും ഓരോ ഗോൾ വീതം നേടി സമനിലയിൽ പിരിയുകയായിരുന്നു.
പത്തുപേരുമായി ചുരുങ്ങിയിട്ടും കരുത്ത് കാട്ടിയാണ് ഈസ്റ്റ് ബംഗാളിന്‍റെ ഇന്നത്തെ മടക്കം. രണ്ടാം പകുതിയിലാണ് ഗോളുകൾ പിറന്നത്.
79-ാം മിനിറ്റിൽ ബ്രൈറ്റ് എനോബഖരെയിലൂടെ ഈസ്റ്റ് ബംഗാളാണ് ലീഡ് നേടിയത്. തൊട്ടുപിന്നാലെ ദേവേന്ദ്ര മുർഗാവോൻകറിലൂടെ ഗോവ ഗോൾ മടക്കി.
ഈ സമനിലയോടെ ഗോവ പോയിന്റ് പട്ടികയിൽ മൂന്നാം സ്ഥാനത്തേയ്ക്കും ഈസ്റ്റ് ബംഗാൾ ഒൻപതാം സ്ഥാനത്തേയ്ക്കും ഉയർന്നു
