പിജെ ജോ​സ​ഫി​നെ​യും മോ​ൻ​സ് ജോ​സ​ഫി​നെ​യും അ​യോ​ഗ്യ​രാ​ക്കാൻ ജോ​സ്​ വി​ഭാ​ഗ​ത്തിൻ്റെ നീ​ക്കം

കോ​ട്ട​യം: കൂ​റു​മാ​റ്റ​നി​രോ​ധ​ന നി​യ​മ​പ്ര​കാ​രം പി ജെ ജോ​സ​ഫി​നെ​യും മോ​ൻ​സ് ജോ​സ​ഫി​നെ​യും അ​യോ​ഗ്യ​രാ​ക്കി ഇ​ര​ട്ട​ത്തി​രി​ച്ച​ടി ന​ൽ​കാ​ൻ ​ജോ​സ്​ വി​ഭാ​ഗ​ത്തിൻ്റെ നീ​ക്കം. ഇതിനായി പിജെ ജോ​സ​ഫി​നും മോ​ൻ​സ് ജോ​സ​ഫി​നു​മെ​തി​രെ​യു​ള്ള വി​പ്പ്​ ലം​ഘ​ന​പ​രാ​തി​യി​ൽ ന​ട​പ​ടി വേ​ഗ​ത്തി​ലാ​ക്കാ​ൻ സിപിഎ​മ്മി​ൽ സ​മ്മ​ർ​ദ​വു​മാ​യി ജോ​സ് ​പ​ക്ഷം രംഗങ്ങത്തിറങ്ങി.

തെ​ര​ഞ്ഞെ​ടു​പ്പ്​ വി​ജ​യ​ത്തി​നു പി​ന്നാ​ലെ പ​രാ​തി​യി​ൽ ഉ​ട​ൻ തീ​രു​മാ​ന​മെ​ന്ന ആ​വ​ശ്യ​വു​മാ​യി സിപിഎം ​ നേതാക്ക​ളെ ക​ണ്ട​ ജോ​സ് കെ മാ​ണി, മു​ഖ്യ​മ​ന്ത്രി പി​ണ​റാ​യി വി​ജ​യ​നെ​യും വി​വ​രം ധ​രി​പ്പി​ച്ച​താ​യാ​ണ്​ സൂ​ച​ന. ഇ​രു​വ​ർ​ക്കു​മെ​തി​രെ ന​ട​പ​ടി​യു​ണ്ടാ​യാ​ൽ ജോ​സ​ഫ്​ വി​ഭാ​ഗ​ത്തെ കൂ​ടു​ത​ൽ ദു​ർ​ബ​ല​പ്പെ​ടു​ത്താ​ൻ ക​ഴി​യു​മെ​ന്നാ​ണ്​ ജോ​സ്​ കെ ​മാ​ണി സിപിഎം നേ​തൃ​ത്വ​ത്തെ അ​റി​യി​ച്ച​ത്.

നി​ല​വി​ൽ സ്​​പീ​ക്ക​റു​ടെ മു​ന്നി​ലാ​ണ്​ പ​രാ​തി. ഇ​രു​കൂ​ട്ട​രു​ടെ​യും വി​ശ​ദീ​ക​ര​ണം കേ​ൾ​ക്കാ​ൻ ഈ ​മാ​സം 22, 23 തീ​യ​തി​ക​ളി​ൽ സ്​​പീ​ക്ക​ർ സി​റ്റി​ങ്ങും നി​ശ്ച​യി​ച്ചി​ട്ടു​ണ്ട്. നേ​രത്തേ വി​ഷ​യ​ത്തി​ൽ സ്പീ​ക്ക​ർ നി​യ​മോ​പ​ദേ​ശം തേ​ടി​യി​രു​ന്നു. ഇ​ത്​​ അ​നു​കൂ​ല​മാ​ണെ​ന്ന്​ അ​വ​കാ​ശ​പ്പെ​ടു​ന്ന ജോ​സ്​ വി​ഭാ​ഗം നേ​താ​ക്ക​ൾ, ഇ​രു​വ​ർ​ക്കു​മെ​തി​രെ ന​ട​പ​ടി​ക്ക്​ ക​ഴി​യു​മെ​ന്ന്​ ത​ങ്ങ​ൾ​ക്ക്​ നി​യ​മോ​പ​ദേ​ശം ല​ഭി​ച്ച​താ​യും വ്യ​ക്ത​മാ​ക്കു​ന്നു.

മോ​ൻ​സി​നെ അ​യോ​ഗ്യ​നാ​ക്കി​യാ​ൽ ക​ടു​ത്തു​രു​ത്തി നി​യ​മ​സ​ഭ മ​ണ്ഡ​ലം അ​നാ​യാ​സം പി​ടി​ച്ചെ​ടു​ക്കാ​മെ​ന്നും ഇ​വ​ർ സിപിഎം നേ​തൃ​ത്വ​ത്തെ അ​റി​യി​ച്ചി​ട്ടു​ണ്ട്. പ​ഴ​യ പാ​ലാ നി​യ​മ​സ​ഭ മ​ണ്ഡ​ല​ത്തി​ൻ്റെ നാ​ലു പ​ഞ്ചാ​യ​ത്തു​ക​ൾ ക​ടു​ത്തു​രു​ത്തി​യി​ലാ​ണ്. ജോ​സ്​​ കെ ​മാ​ണി പ്ര​ത്യേ​ക ശ്ര​ദ്ധ ന​ൽ​കി​യ ക​ടു​ത്തു​രു​ത്തി നി​യ​മ​സ​ഭ മ​ണ്ഡ​ല​ത്തി​നു കീ​ഴി​ലെ ര​ണ്ട്​ ജി​ല്ല പ​ഞ്ചാ​യ​ത്ത്​ ഡി​വി​ഷ​നി​ലും ഇ​വ​ർ വി​ജ​യി​ച്ചി​രു​ന്നു.

രാ​ജ്യ​സ​ഭ വോ​ട്ടെ​ടു​പ്പ്, അ​വി​ശ്വാ​സ​പ്ര​മേ​യ ച​ർ​ച്ച എ​ന്നി​വ​യി​ൽ​നി​ന്ന്​ വി​ട്ടു​നി​ൽ​ക്കാ​ൻ ജോ​സ് വി​ഭാ​ഗ​വും യുഡിഎ​ഫി​ന് വോ​ട്ട്​ ചെ​യ്യാ​ൻ ജോ​സ​ഫ് വി​ഭാ​ഗ​വും പ​ര​സ്പ​രം വി​പ്പ്​ ന​ൽ​കി​യി​രു​ന്നു. എ​ന്നാ​ൽ, ത​ങ്ങ​ളു​ടേ​താ​ണ്​ യ​ഥാ​ർ​ഥ വി​പ്പെ​ന്ന്​ അ​വ​കാ​ശ​പ്പെ​ട്ട ഇ​രു​കൂ​ട്ട​രും പ​രാ​തി​യു​മാ​യി സ്​​പീ​ക്ക​റെ സ​മീ​പി​ക്കു​ക​യു​മാ​യി​രു​ന്നു.

ത​ങ്ങ​ളു​ടെ പ​രാ​തി ത​ള്ളി രാ​ഷ്​​ട്രീ​യ​പ്രേ​രി​ത​മാ​യി സ്പീ​ക്ക​ർ തീ​രു​മാ​ന​മെ​ടു​ത്താ​ലും കോ​ട​തി​യെ സ​മീ​പി​ക്കാ​ൻ ക​ഴി​യു​മെ​ന്ന​തി​നാ​ൽ ആ​ശ​ങ്ക​യി​ല്ലെ​ന്നാ​ണ്​ ജോ​സ​ഫ്​ പ​ക്ഷ​ത്തി​ൻ്റെ നി​ല​പാ​ട്. നേ​ര​ത്തേ കേ​ര​ള കോ​ൺ​ഗ്ര​സി​ലെ പി​ള​ർ​പ്പി​നെ തു​ട​ർ​ന്ന്​ ആ​ർ. ബാ​ല​കൃ​ഷ്ണ​പി​ള്ള​ക്കും പിസി ജോ​ർ​ജി​നും അ​യോ​ഗ്യ​ത ക​ൽ​പി​ച്ചി​രു​ന്നു. ജോ​ർ​ജി​നെതി​രാ​യ ന​ട​പ​ടി ഹൈ​ക്കോട​തി റ​ദ്ദാ​ക്കി​യി​രു​ന്നു.