തിരുവനന്തപുരം: സമൂഹമാധ്യമങ്ങളിലൂടെ നിരന്തരമായി പോത്തൻകോട് ശാന്തിഗിരി ആശ്രമത്തിനെതിരെ വ്യാജപ്രചാരണം നടത്തിയ വ്യക്തിക്കെതിരെ പൊലീസ് കേസെടുത്തു. ആശ്രമാധികൃതരുടെ പരാതിയുടെ അടിസ്ഥാനത്തിൽ തിരുവനന്തപുരം ഉള്ളൂർ സ്വദേശി എസ്. മഹേഷ് കുമാറിനെതിരെയാണ് പോത്തൻകോട് പൊലീസ് കേസെടുത്തത്. മുമ്പ് പലതവണ ഇയാൾ അപവാദ പ്രചാരണങ്ങൾ നടത്തിയിരുന്നു.
ആശ്രമം നൽകിയ പരാതിയിന്മേൽ പൊലീസ് കേസ് രജിസ്റ്റർ ചെയ്ത് അന്വേഷണം നടത്തിവരികയാണ്. വിവിധ അന്വേഷണ ഏജൻസികൾ ആശ്രമം സന്ദർശിച്ചെന്നും പ്രധാന സന്യാസിയെ ചോദ്യംചെയ്തെന്നും ഇയാൾ വാട്സ്ആപ്പിലൂടെ പ്രചരിപ്പിച്ചെന്നാണ് പരാതിയിൽ ചൂണ്ടിക്കാട്ടുന്നത്.
