ഭുവനേശ്വർ: ഒഡീഷയിലെ വനിതാ ശിശുവികസന, മിഷൻ ശക്തി വകുപ്പ് മന്ത്രി തുക്കുനി സാഹുവിന് കൊറോണ വൈറസ് സ്ഥിരീകരിച്ചു. മന്ത്രി തന്നെയാണ് ട്വീറ്റിലൂടെ ഇക്കാര്യം അറിയിച്ചിരിക്കുന്നത്.
കഴിഞ്ഞ ദിവസം എനിക്ക് കൊറോണ പോസിറ്റീവ് സ്ഥിരീകരിച്ചു. ഇപ്പോൾ ഹോം ഐസൊലേഷനിലാണെന്നാണ് സാഹു ട്വീറ്റിൽ കുറിച്ചത്. കൊറോണ വൈറസ് സ്ഥിരീകരിക്കുന്ന ഒഡീഷയിലെ അഞ്ചാമത്തെ മന്ത്രിയാണ് തുക്കുനി സാഹു.
ജ്യോതിപ്രകാശ് പാണിഗ്രഹി, സുശാന്ത സിംഗ്, അരുൺകുമാർ സാഹു എന്നിവർക്ക് കൊറോണ ബാധിച്ചിരുന്നു. മറ്റൊരു മന്ത്രിയായ പദ്മിനി ദിയാനും വൈറസ് സ്ഥിരീകരിച്ചതായി മാധ്യമങ്ങൾ റിപ്പോർട്ട് ചെയ്തിരുന്നു. ഒഡീഷയിൽ 3996 പേർക്കാണ് പുതിയതായി കൊറോണ വൈറസ് ബാധിച്ചിരിക്കുന്നത്. കൊറോണ ഗുരുതരമായി ബാധിച്ച സംസ്ഥാനങ്ങളിലൊന്നാണ് ഒഡീഷ.
