വാഷിംടണ്‍: ലോകത്തെ ആശങ്കയിലാക്കി കൊറോണ ബാധിതരുടെ എണ്ണം വർധിക്കുന്നു. ലോകത്ത് കൊറോണ ബാധിതരുടെ എണ്ണം 2 കോടി 43 ലക്ഷം പിന്നിട്ടു. 2,43,15,420 പേര്‍ക്കാണ് ഇതുവരെ വൈറസ് ബാധ സ്ഥിരീകരിച്ചത്. 8,28,721 പേര്‍ കൊറോണ പിടിപെട്ടു മരിച്ചു.
അമേരിക്കയാണ് വൈറസ് ബാധയില്‍ മുന്നില്‍. അമേരിക്കയില്‍ രോഗബാധിതരുടെ എണ്ണം 60 ലക്ഷത്തിലേക്ക്. 59,98,666 പേർക്കാണ് ഇതുവരെ കൊറോണ സ്ഥിരീകരിച്ചത്. കൊറോണ മരണം 1,83,607 ആയി. ബ്രസീല്‍ ആണ് രണ്ടാം സ്ഥാനത്ത്. 37,22,004 പേര്‍ക്കാണ് ഇവിടെ രോഗം സ്ഥിരീകരിച്ചത്. 1,17,756 പേരാണ് ബ്രസീലില്‍ മരിച്ചത്.
കേസുകളുടെ എണ്ണത്തില്‍ ഇന്ത്യ ബ്രസീലിനു പിന്നില്‍ മൂന്നാമതാണ്. 33,07,749 പേരാണ് ഇന്ത്യയിലെ വൈറസ് ബാധിതര്‍. റഷ്യ (9,70,865), ദക്ഷിണാഫ്രിക്ക ( 6,15,701), പെറു( 6,07,382 ), മെക്‌സിക്കോ ( 5,68,621 ), കൊളംബിയ ( 5,72,270) എന്നിങ്ങനെയാണ് വൈറസ് വ്യാപനത്തിന്റെ കണക്കുകള്‍. മെക്‌സിക്കോ 61,450, ഇന്ത്യ 60,629 , ബ്രിട്ടന്‍ 41,465 , ഇറ്റലി 35,458 , ഫ്രാന്‍സ് 30,544, എന്നിങ്ങനെയാണ് കൊറോണ മരണങ്ങളുടെ എണ്ണം.
