മസ്കറ്റ്: പത്തനംതിട്ട സ്വദേശി മസ്കറ്റില്‍ ഹൃദയാഘാതം മൂലം മരിച്ചു. കോന്നി തണ്ണിത്തോട് ആഞ്ഞിലിമൂട്ടില്‍ തമ്പിയുടെ മകന്‍ ഷിബിന്‍ (35) ആണ് മരിച്ചത്. ബുധനാഴ്ച രാവിലെ താമസ സ്ഥലത്ത് ഹൃദയാഘാതം ഉണ്ടായതിനെതുടര്‍ന്ന് പ്രാഥമിക ശുശ്രൂഷ നല്‍കിയ ശേഷം സുല്‍ത്താന്‍ ഖാബൂസ് സര്‍വകലാശാല ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മബേല അല്‍ സലാമ പോളിക്ലിനിക്കിലെ നഴ്സിങ് ജീവനക്കാരനാണ്. കഴിഞ്ഞ മൂന്ന് വര്‍ഷമായി ഒമാനിലുണ്ട്.
ഭാര്യ ഷീന മാത്യു നഖല്‍ ഹെല്‍ത്ത് സെന്ററില്‍ നഴ്സ് ആയി ജോലി ചെയ്യുന്നു. മകൻ: ഹാനോക്ക് (നാല് വയസ്).
