ന്യൂഡെൽഹി : ഇന്ത്യയിൽ ജൂൺ മാസത്തിൽ കൊറോണ നാലാം തരംഗമുണ്ടാകുമെന്നു പ്രവചനം. ഐഐടി കാൻപുർ തയാറാക്കിയ പഠന റിപ്പോർട്ടിലാണ് ജൂൺ 22നു രാജ്യത്ത് അടുത്ത കൊറോണ തരംഗം തുടങ്ങുമെന്നും ഇത് ഒക്ടോബർ 24 വരെ നീണ്ടുപോകുമെന്നും സൂചിപ്പിക്കുന്നത്. ഓഗസ്റ്റ് 23ന് പാരമ്യത്തിലെത്തുമെന്നാണു പ്രവചനം. പൊതുവേ സ്ഥിതി രൂക്ഷമാകുമോയെന്ന ചോദ്യത്തിന് വ്യക്തമായ ഉത്തരമില്ല.
കൊറോണ മൂന്നാം തരംഗം കാര്യമായ അപകടം സൃഷ്ടിക്കാതെ കടന്നുപോകുന്ന ആശ്വാസത്തിലിരിക്കെയാണ് നാലാം തരംഗത്തിൻ്റെ പ്രവചനം. എന്തായാലും കഴിഞ്ഞ തരംഗങ്ങളെ നേരിട്ട അനുഭവസമ്പത്ത് അടുത്ത തരംഗത്തെ പ്രതിരോധിക്കാൻ സഹായകമാകുമെന്നാണ് സൂചന.
