മദ്യ​ല​ഹ​രി​യി​ൽ കാ​റോ​ടി​ച്ച് ബൈ​ക്ക് യാ​ത്രി​ക​രെ ഇ​ടി​ച്ചി​ട്ട പോ​ലീ​സു​കാ​ര​ൻ അ​റ​സ്റ്റി​ൽ

തൃശ്ശൂർ: മ​ദ്യ​ല​ഹ​രി​യി​ൽ കാ​റോ​ടി​ച്ച് ബൈ​ക്ക് യാ​ത്രി​ക​രെ ഇ​ടി​ച്ചി​ട്ട സം​ഭ​വ​ത്തി​ൽ പോ​ലീ​സു​കാ​ര​ൻ അ​റ​സ്റ്റി​ൽ. മ​ല​പ്പു​റം എം​എ​സ്പി​യി​ലെ എ​എ​സ്ഐ പ്ര​ശാ​ന്തി​നെ​യാ​ണ് പീ​ച്ചി പോ​ലീ​സ് അ​റ​സ്റ്റ് ചെ​യ്ത​ത്.

തി​ങ്ക​ളാ​ഴ്ച രാ​ത്രി എ​ട്ടി​ന് പീ​ച്ചി ക​ണ്ണാ​റ​യി​ൽ പ​ട്ടി​ക്കാ​ട്-​പീ​ച്ചി റോ​ഡി​ൽ ക​ണ്ണാ​റ ക​യ​റ്റ​ത്താ​യി​രു​ന്നു അ​പ​ക​ടം. അ​മി​ത​വേ​ഗ​ത്തി​ൽ വാ​ഹ​നം ഓ​ടി​ച്ച പ്ര​ശാ​ന്ത്, ബൈ​ക്ക് യാ​ത്രി​ക​രാ​യ ദ​ന്പ​തി​ക​ളെ ഇ​ടി​ച്ചി​ട്ടു. സം​ഭ​വ​ത്തി​ൽ ബൈ​ക്ക് യാ​ത്ര​ക്കാ​രാ​യ പാ​ണ​ഞ്ചേ​രി തെ​ക്ക​ത്ത് വ​ള​പ്പി​ൽ ശ​ശി മ​ക​ൻ ലി​ജി​ത്ത് (24), ഭാ​ര്യ കാ​വ്യ (22) എ​ന്നി​വ​ർ​ക്ക് ഗു​രു​ത​ര പ​രി​ക്കേ​റ്റു. ഇ​വ​ർ ചി​കി​ത്സ​യി​ലാ​ണ്.

അ​പ​ക​ട​ത്തി​നു​ശേ​ഷം നി​ർ​ത്താ​തെ പോ​യ പോ​ലീ​സു​കാ​ര​നെ​യും സം​ഘ​ത്തെ​യും നാ​ട്ടു​കാ​ർ പി​ടി​കൂ​ടി പോ​ലീ​സി​ൽ ഏ​ല്പി​ക്കു​ക​യാ​യി​രു​ന്നു. അ​പ​ക​ട​ത്തെ​തു​ട​ർ​ന്ന് ട​യ​ർ പൊ​ട്ടി​യ​തി​നാ​ലാ​ണ് വാ​ഹ​നം നി​ർ​ത്താ​ൻ നി​ർ​ബ​ന്ധി​ത​രാ​യ​ത്.

പീ​ച്ചി​യി​ൽ ഒ​രു ബ​ർ​ത്ത്ഡേ പാ​ർ​ട്ടി ക​ഴി​ഞ്ഞു മ​ട​ങ്ങു​ക​യാ​യി​രു​ന്നു പ്ര​ശാ​ന്തും മൂ​ന്നു സു​ഹൃ​ത്തു​ക്ക​ളു​മ​ട​ങ്ങു​ന്ന സം​ഘം. വാ​ഹ​ന​ത്തി​ലു​ണ്ടാ​യി​രു​ന്ന​വ​രെ​ല്ലാം കു​ടി​ച്ചു ല​ക്കു കെ​ട്ട നി​ല​യി​ലാ​യി​രു​ന്നു. അ​മി​ത​വേ​ഗ​ത്തി​ലാ​യി​രു​ന്നു കാ​റെ​ന്നു ദൃ​ക്സാ​ക്ഷി​ക​ൾ പ​റ​യു​ന്നു. കാ​ർ നി​യ​ന്ത്ര​ണം​വി​ട്ട​തു​പോ​ലെ ത​ങ്ങ​ളു​ടെ നേ​രെ വ​രു​ന്ന​തു​ക​ണ്ടു ലി​ജി​ത്ത് ബൈ​ക്ക് ഒ​തു​ക്കി​നി​ർ​ത്താ​ൻ ശ്ര​മി​ച്ചെ​ങ്കി​ലും ഇ​ടി​ച്ചു​തെ​റി​പ്പി​ക്കു​ക​യാ​യി​രു​ന്നു.

കാ​ർ ത​ട​ഞ്ഞ​പ്പോ​ൾ പ്ര​ശാ​ന്ത് അ​ട​ക്ക​മു​ള്ള​വ​ർ ഓ​ടി​ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും നാ​ട്ടു​കാ​ർ പി​ടി​കൂ​ടി പോ​ലീ​സി​ൽ ഏ​ല്പി​ച്ചു. ഒ​രാ​ൾ ഓ​ടി​ര​ക്ഷ​പ്പെ​ട്ടെ​ന്നാ​ണ് വി​വ​രം.

വി​ല​ങ്ങ​ന്നൂ​രി​ലേ​ക്കു പോ​വു​ക​യാ​യി​രു​ന്നു പ​രി​ക്കേ​റ്റ ലി​ജി​ത്തും ഭാ​ര്യ​യും. കാ​ലു​ക​ൾ​ക്കു ഗു​രു​ത​ര​മാ​യി പ​രി​ക്കേ​റ്റ ഇ​രു​വ​രെ​യും അ​ടി​യ​ന്ത​ര ശ​സ്ത്ര​ക്രി​യ​യ്ക്കു വി​ധേ​യ​രാ​ക്കി. ഇ​രു​വ​രു​ടെ​യും വ​ല​തു​കാ​ൽ ഒ​ടി​ഞ്ഞു​തൂ​ങ്ങി എ​ല്ലു​ക​ൾ പു​റ​ത്തു​വ​ന്ന നി​ല​യി​ലാ​യി​രു​ന്നു.