രാ​ജ്യ​ സ​മ്പദ് വ്യ​വ​സ്ഥ​യെ ശ​ക്തി​പ്പെ​ടു​ത്താ​ൻ പ​ശു​വി​ന്‍റെ ചാ​ണ​ക​വും ഗോ​മൂ​ത്ര​വും ; വിചിത്ര വാദവുമായി മ​ധ്യ​പ്ര​ദേ​ശ് മു​ഖ്യ​മ​ന്ത്രി ശി​വ​രാ​ജ് സിം​ഗ് ചൗ​ഹാ​ൻ

ഭോ​പ്പാ​ൽ: രാ​ജ്യ​ത്തി​ന്‍റെ സ​മ്പദ് വ്യ​വ​സ്ഥ​യെ ശ​ക്തി​പ്പെ​ടു​ത്താ​ൻ പ​ശു​വി​ന്‍റെ ചാ​ണ​ക​വും ഗോ​മൂ​ത്ര​വും ഉ​പ​യോ​ഗി​ക്കാ​മെ​ന്ന വി​ചി​ത്ര വാദവുമായി മ​ധ്യ​പ്ര​ദേ​ശ് മു​ഖ്യ​മ​ന്ത്രി ശി​വ​രാ​ജ് സിം​ഗ് ചൗ​ഹാ​ൻ. പ​ശു​ക്ക​ളോ കാ​ള​ക​ളോ ഉ​ണ്ടെ​ങ്കി​ൽ മാ​ത്ര​മേ ന​മു​ക്ക് നി​ര​വ​ധി കാ​ര്യ​ങ്ങ​ൾ ചെ​യ്തു​തീ​ർ​ക്കാ​നു​ക​യു​ള്ളു​വെ​ന്നും മു​ഖ്യ​മ​ന്ത്രി പ​റ​ഞ്ഞു.

ഭോ​പ്പാ​ലി​ൽ ഇ​ന്ത്യ​ൻ വെ​റ്റ​റി​ന​റി അ​സോ​സി​യേ​ഷ​ന്‍റെ വ​നി​താ വി​ഭാ​ഗ​ത്തി​ന്‍റെ ക​ൺ​വെ​ൻ​ഷ​നി​ൽ‌ സം​സാ​രി​ക്ക​വെ​യാ​ണ് ചൗ​ഹാ​ൻ വി​ചി​ത്ര വാദങ്ങൾ നി​ര​ത്തി​യ​ത്. ഗോ​മൂ​ത്ര​വും ചാ​ണ​ക​വും ഫ​ല​പ്ര​ദ​മാ​യി ഉ​പ​യോ​ഗി​ക്കാ​ൻ ഒ​രു സം​വി​ധാ​ന​മു​ണ്ടെ​ങ്കി​ൽ സം​സ്ഥാ​ന​ത്തി​ന്‍റെ​യും രാ​ജ്യ​ത്തി​ന്‍റെ​യാ​കെ​യും സ​മ്പ​ദ് വ്യ​വ​സ്ഥ​യെ ശ​ക്തി​പ്പെ​ടു​ത്താ​നാ​കും.

ഗോ​മൂ​ത്ര​ത്തി​ൽ നി​ന്നും ചാ​ണ​ക​ത്തി​ൽ നി​ന്നും കീ​ട​നാ​ശി​നി മു​ത​ൽ മ​രു​ന്നു​ക​ൾ വ​രെ​യും വൈ​വി​ധ്യ​മാ​ർ​ന്ന നി​ര​വ​ധി ഉ​ൽ​പ്പ​ന്ന​ങ്ങ​ളും നി​ർ​മി​ക്കാ​നാ​കും. ഇ​തി​നാ​യി സ​ർ​ക്കാ​ർ എ​ല്ലാ സ​ഹാ​യ​വും ന​ൽ​കും. ഈ ​മേ​ഖ​ല​യി​ലേ​ക്ക് സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​ർ മു​ന്നി​ട്ടി​റ​ങ്ങ​ണ​മെ​ന്നും ശി​വ​രാ​ജ് സിം​ഗ് ചൗ​ഹാ​ൻ ആ​വ​ശ്യ​പ്പെ​ട്ടു.