തിരുവനന്തപുരം: അനുപമയെ ഫോണില്‍ വിളിച്ച്‌ സംസാരിച്ച്‌ ആരോഗ്യമന്ത്രി വീണാ ജോര്‍ജ്. കുഞ്ഞിനെ തിരികെ കിട്ടാന്‍ നടപടിയെടുക്കുമെന്നും, വീഴ്ച വരുത്തിയവര്‍ക്കെതിരെ നടപടി ഉണ്ടാകുമെന്നും മന്ത്രി ഉറപ്പ് നല്‍കി. രണ്ട് മിനിട്ടോളം മന്ത്രി അനുപമയോട് സംസാരിച്ചു.
താനും ഒരമ്മയാണെന്നും, തനിക്ക് കാര്യങ്ങള്‍ മനസിലാകുമെന്നും വീണ ജോര്‍ജ് പറഞ്ഞു. അനുപമ സെക്രട്ടറിയേറ്റിന് മുന്നില്‍ നിരാഹാര സമരം പ്രഖ്യാപിച്ചതിന് പിന്നാലെയാണ് മന്ത്രി വിളിച്ചത്. സമരവുമായി മുന്നോട്ട് പോകാനാണ് അനുപമയുടെ തീരുമാനം. ഭര്‍ത്താവ് അജിത്തിനൊപ്പമാണ് യുവതി നിരാഹാരസമരമിരിക്കുക.