ചെന്നൈ: 40 ലക്ഷം രൂപ വില വരുന്ന സ്വര്‍ണം ഒളിപ്പിച്ച്‌ കടത്താന്‍ ശ്രമിച്ച യാത്രക്കാരന്‍ ചെന്നൈ വിമാനത്താവളത്തില്‍ അറസ്റ്റില്‍. 40.35 ലക്ഷം രൂപ വില വരുന്ന 810 ഗ്രാം 24 കാരറ്റ് സ്വര്‍ണമാണ് ഇയാൾ മലദ്വാരത്തില്‍ ഒളിപ്പിച്ചിരുന്നത്. കസ്റ്റംസ് ഇത് പിടിച്ചെടുത്തു. നാല് കെട്ടുകളിലായി മിശ്രിത രൂപത്തിലാണ് സ്വര്‍ണം മലദ്വാരത്തില്‍ ഒളിപ്പിച്ചത്.

കഴിഞ്ഞ ഡിസംബറിലും 706 ഗ്രാം സ്വര്‍ണം മലദ്വാരത്തില്‍ ഒളിപ്പിച്ച്‌ കടത്താന്‍ ശ്രമിച്ചിരുന്നു. അന്ന് രണ്ട് യുവാക്കളാണ് പിടികൂടിയത്. ചെന്നൈ വിമാനത്താവളത്തിലൂടെ സ്വര്‍ണം കടത്തല്‍ വര്‍ധിച്ചെന്ന് കസ്റ്റംസ് അറിയിച്ചു.

കഴിഞ്ഞ ജനുവരിയില്‍ മാത്രം ഒൻപത് കിലോ സ്വര്‍ണമാണ് കസ്റ്റംസ് പിടിച്ചെടുത്തത്. കേസില്‍ അന്വേഷണം പുരോഗമിക്കുകയാണെന്നും കസ്റ്റംസ് അറിയിച്ചു.