കോഴിക്കോട്: ബൈക്കുകൾ കൂട്ടിയിടിച്ച് കുറ്റ്യാടി തീക്കുനിയിലുണ്ടായ അകടത്തിൽ മൂന്ന് യുവാക്കൾ മരിച്ചു. റഹീസ്, അബ്ദുൽ ജാബിർ, ജെറിൻ എന്നിവരാണ് മരിച്ചത്. ചൊവ്വാഴ്ച രാത്രി പത്തരയോടെ വേളം കാക്കുനി കാരക്കുന്ന് പള്ളിക്ക് സമീപമാണ് അപകടമുണ്ടായത്.
റഹീസും ജാബിറും കക്കട്ട് പതിരാപറ്റ സ്വദേശികളാണ്. ജെറിൻ കവിലും പാറ സ്വദേശിയാണ്. നേർക്കുനേരെ ബൈക്കുകൾ ഇടിക്കുകയായിരുന്നു. പരുക്കേറ്റ ഇവരെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
അമിത വേഗതയും മഴയുമാണ് അപകടത്തിന് കാരണമെന്നാണ് സൂചന. ആശുപത്രിയിലെത്തിക്കും മുന്‍പ് രണ്ടു പേർ മരിച്ചിരുന്നു. ഒരാൾ കോഴിക്കോട് സ്വകാര്യ ആശുപത്രിയിലുമാണ് മരിച്ചത്.