Home Local News എറണാകുളത്ത് മദ്യപാനിയായ മകനെ കാൻസർ രോഗിയായ പിതാവ് കുത്തിക്കൊലപ്പെടുത്തി

എറണാകുളത്ത് മദ്യപാനിയായ മകനെ കാൻസർ രോഗിയായ പിതാവ് കുത്തിക്കൊലപ്പെടുത്തി

0

കൊച്ചി: എറണാകുളം ഉദയ0പേരൂരിൽ അച്ഛൻ മകനെ കുത്തിക്കൊന്നു. എംഎൽഎ റോഡിലെ താമസക്കാരനായ ഞാറ്റിയിൽ സന്തോഷാണ് മരിച്ചത്. സന്തോഷിന്റെ അച്ഛനായ സോമനെ പൊലീസ് കസ്റ്റഡിയിലെടുത്തു. ഇവർ രണ്ട് പേർ മാത്രമാണ് ഈ വീട്ടിൽ താമസിച്ചിരുന്നത്. കാൻസർ രോഗിയാണ് സോമൻ.

മകൻ സ്ഥിരമായി മദ്യപിച്ചെത്തി മർദ്ദിക്കുന്നതിനാൽ കുറേ നാളുകളായി സോമൻ മകളുടെ വീട്ടിലായിരുന്നു. ഈയിടെയാണ് ഇദ്ദേഹം വീട്ടിലേക്ക് മടങ്ങിയെത്തിയത്. ഇന്നലെ ഉച്ചയോടെ മദ്യപിച്ച് വീട്ടിലെത്തിയ സന്തോഷ് തന്നെ മർദ്ദിച്ചതായി സോമൻ പറയുന്നു. ഇരുവരും തമ്മിൽ വഴക്ക് പതിവായതിനാൽ അയൽവാസികൾ അന്വേഷിച്ചതുമില്ല.

രാത്രി 12 മണിയോടെയാണ് കൊലപാതകം നടക്കുന്നത്. കത്തിയെടുത്ത് സോമൻ, സന്തോഷിനെ കുത്തുകയായിരുന്നു. അയൽവാസികൾ എത്തിയപ്പോൾ കുത്തേറ്റ് കിടക്കുന്ന സന്തോഷിനെയാണ് കണ്ടത്. ഉടൻ തന്നെ പൊലീസിൽ വിവരമറിയിച്ചു. പൊലീസ് എത്തിയപ്പോഴേക്കും മരണം സംഭവിച്ചിരുന്നു.

LEAVE A REPLY

Please enter your comment!
Please enter your name here