ന്യൂയോർക്ക്: കൊറോണയെന്ന ഭീകര വൈറസ് ലോകത്ത് ഭീകരതാണ്ഡവം തുടരുന്നു. ലോകമെങ്ങും കൊറോണ ബാധിതരുടെ എണ്ണം പതിനെട്ട് കോടി പതിനൊന്ന് ലക്ഷം പിന്നിട്ടു.കഴിഞ്ഞ ഇരുപത്തിനാല് മണിക്കൂറിനിടെ നാല് ലക്ഷത്തിലധികം പേർക്കാണ് വൈറസ് ബാധ സ്ഥിരീകരിച്ചത്. വേൾഡോമീറ്ററിന്റെ കണക്കുപ്രകാരം 39.24 ലക്ഷം പേർ മരിച്ചു.
നിലവിൽ ഒരു കോടി പതിനാല് ലക്ഷം പേരാണ് ചികിത്സയിലുള്ളത്. ഇന്ത്യയിൽ 3.01 കോടി പേർക്ക് കൊറോണ ബാധിച്ചു . കഴിഞ്ഞദിവസം 51,667 പേർക്കാണ് രോഗം സ്ഥിരീകരിച്ചത്. മരണസംഖ്യ 3.93 ലക്ഷമായി ഉയർന്നു. 2.91 കോടി പേർ രോഗമുക്തി നേടി.നിലവിൽ 6.12 ലക്ഷം പേരാണ് ചികിത്സയിലുള്ളത്.
രോഗികളുടെ എണ്ണത്തിൽ അമേരിക്ക മാത്രമാണ് ഇന്ത്യയ്ക്ക് മുന്നിലുള്ളത്. യുഎസിൽ മൂന്ന് കോടി നാൽപത്തിനാല് ലക്ഷം പേർക്കാണ് കൊറോണ സ്ഥിരീകരിച്ചത്.കഴിഞ്ഞ ഇരുപത്തിനാല് മണിക്കൂറിനിടെ 14,000ത്തിലധികം കേസുകളാണ് റിപ്പോർട്ട് ചെയ്തത്. 6.19 ലക്ഷം പേർ മരിച്ചു.രണ്ട് കോടി എൺപത്തിയെട്ട് ലക്ഷം പേർ രോഗമുക്തി നേടി.
