പാലക്കാട്: ഭക്ഷണം കഴിക്കുന്നതിനിടെ മീൻകറി ആവശ്യപ്പെട്ട് ചില്ലുമേശയിൽ കൈ കൊണ്ട് ഇടിച്ച യുവാവിന് ഞരമ്പ് മുറിഞ്ഞ് രക്തം വാർന്ന് ദാരുണാന്ത്യം. ഇന്നലെ അർധരാത്രിയിൽ പാലക്കാട് കൂട്ടുപാതയിലെ ഭക്ഷണ ശാലയിലാണ് സംഭവം.
കല്ലിങ്കൽ കളപ്പക്കാട് ശ്രീജിത്ത് (25) ആണ് മരിച്ചത്. ലഘുഭക്ഷണശാലയിൽ 5 സുഹൃത്തുക്കൾക്കൊപ്പമാണ് ശ്രീജിത്ത് എത്തിയത്. ഭക്ഷണം കഴിക്കുന്നതിനിടെ മീൻകറി ആവശ്യപ്പെട്ടു. ഇതിന് പിന്നാലെ ചില്ലുമേശയിൽ ശ്രീജിത്ത് കൈ കൊണ്ട് ഇടിക്കുകയായിരുന്നുവെന്ന് കസബ പൊലീസ് പറഞ്ഞു.
സുഹൃത്തുക്കൾ ജില്ലാ ആശുപത്രിയിലേക്കും പിന്നീട് സ്വകാര്യ ആശുപത്രിയിലേക്കും കൊണ്ടുപോയെങ്കിലും ജീവൻ രക്ഷിക്കാനായില്ല.
