ഫ്ലാറ്റിലെ പീഡനം: മാ​ർ​ട്ടി​ൻ ജോ​സ​ഫി​ൻ്റെ വ​രു​മാ​ന​മാ​ർ​ഗ​ങ്ങ​ൾ പ​രി​ശോ​ധി​ക്കും; സ​മാ​ന സം​ഭ​വ​ങ്ങ​ളു​ണ്ടോയെന്ന് അ​ന്വേ​ഷി​ക്കു​മെ​ന്ന് ക​മ്മീ​ഷ​ണ​ർ

കൊച്ചി: ഫ്ലാറ്റിൽ യു​വ​തി​യെ ക്രൂ​ര​മാ​യി പീ​ഡി​പ്പി​ച്ച കേ​സി​ലെ പ്ര​തി തൃ​ശൂ​ർ മു​ണ്ടൂ​ർ പു​ലി​ക്കോ​ട്ടി​ൽ മാ​ർ​ട്ടി​ൻ ജോ​സ​ഫി​ൻറെ വ​രു​മാ​ന​മാ​ർ​ഗ​ങ്ങ​ൾ പ​രി​ശോ​ധി​ക്കു​മെ​ന്ന് കൊ​ച്ചി ക​മ്മീ​ഷ​ണ​ർ. പ്ര​തി​ക​ൾ ര​ക്ഷ​പ്പെ​ടാ​ൻ ഉ​പ​യോ​ഗി​ച്ച വാ​ഹ​ന​ങ്ങ​ൾ പി​ടി​ച്ചെ​ടു​ത്ത​താ​യും അ​ദ്ദേ​ഹം അ​റി​യി​ച്ചു.

യു​വ​തി ക്രൂ​ര​പീ​ഡ​ന​ത്തി​ന് ഇ​ര​യാ​യെ​ന്ന് മ​ന​സി​ലാ​യ​ത് വാ​ർ​ത്ത​ക​ളി​ലൂ​ടെ​യാ​ണ്. അ​തി​നാ​ലാ​ണ് പ്ര​തി​യെ പി​ടി​കൂ​ടാ​ൻ വൈ​കി​യ​ത്. പ​രാ​തി ല​ഭി​ച്ചി​ട്ടും ന​ട​പ​ടി വൈ​കി​യെ​ന്ന​ത് പ​രി​ശോ​ധി​ക്കും. ജി​ല്ല​യി​ൽ സ​മാ​ന സം​ഭ​വ​ങ്ങ​ളു​ണ്ടോ എ​ന്ന് അ​ന്വേ​ഷി​ക്കു​മെ​ന്നും ക​മ്മീ​ഷ​ണ​ർ പറഞ്ഞു. കി​രാ​ലൂ​രി​ലെ ച​തു​പ്പു​പ്ര​ദേ​ശ​ത്തോ​ടു ചേ​ർ​ന്നു​ള്ള വ​ന​ത്തി​ന​ക​ത്തെ ഒ​ളി​സ​ങ്കേ​ത​ത്തി​ൽ​നി​ന്ന് വ്യാ​ഴാ​ഴ്ച​യാ​ണ് മാ​ർ​ട്ടി​നെ പി​ടി​കൂ​ടി​യ​ത്. മു​ണ്ടൂ​രി​ൽ മാ​ർ​ട്ടി​ൻറെ വീ​ടി​നോ​ടു ചേ​ർ​ന്നു​ത​ന്നെ​യാ​ണ് ഈ ​സ്ഥ​ലം.

ക​ഴി​ഞ്ഞ ര​ണ്ടു ദി​വ​സ​മാ​യി പോ​ലീ​സ് മു​ണ്ടൂ​ർ മേ​ഖ​ല​യി​ൽ രാ​വും പ​ക​ലും മാ​ർ​ട്ടി​നു​വേ​ണ്ടി നി​രീ​ക്ഷ​ണം ന​ട​ത്തി​വ​രി​ക​യാ​യി​രു​ന്നു. ഇ​യാ​ളെ ഒ​ളി​വി​ൽ ക​ഴി​യു​ന്ന​തി​നു സ​ഹാ​യി​ച്ച സു​ഹൃ​ത്തു​ക്ക​ളാ​യ പാ​വ​റ​ട്ടി കൈ​ത​മു​ക്ക് സ്വ​ദേ​ശി ധ​നേ​ഷ്, ശ്രീ​രാ​ഗ്, ബ​ന്ധു കൂ​ടി​യാ​യ ജോ​ൺ ജോ​യ് എ​ന്നി​വ​രെ നേ​ര​ത്തെ പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. ഇ​വ​ർ ന​ൽ​കി​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​യി​രു​ന്നു തെ​ര​ച്ചി​ൽ ന​ട​ത്തി​യ​ത്.

ഡ്രോ​ൺ ഉ​പ​യോ​ഗി​ച്ചു ന​ട​ത്തി​യ തെ​ര​ച്ചി​ലി​ലാ​ണ് ഒ​ടു​വി​ൽ മാ​ർ​ട്ടി​ൻ പി​ടി​യി​ലാ​യ​ത്. കൊ​ച്ചി​യി​ൽ​നി​ന്നു​ള്ള പോ​ലീ​സ് സം​ഘ​വും തൃ​ശൂ​രി​ൽ​നി​ന്നു​ള്ള പോ​ലീ​സ് സം​ഘ​വും ചേ​ർ​ന്നാ​ണ് പ്ര​തി​യെ പി​ടി​കൂ​ടി​യ​ത്.