ന്യൂഡെൽഹി: എസ്ബിഐ എടി.എമ്മുകളിൽ നിന്ന് പ്രതിമാസം നാല് തവണ മാത്രമേ ബേസിക്സ് സേവിങ്സ് അക്കൗണ്ട് ഉടമകൾക്ക് പണം പിൻവലിക്കാനാകൂ. പിന്നീട് ഓരോ തവണ പണം പിൻവലിക്കുമ്പോഴും 15 രൂപയും ജിഎസ്ടിയും നൽകണം.
ജൂലൈ ഒന്ന് മുതലാണ് പുതിയ മാറ്റങ്ങൾ സ്റ്റേറ്റ് ബാങ്ക് ഓഫ് ഇന്ത്യ നടപ്പാക്കുക. ബേസിക് സേവിങ്സ്, ഡെപ്പോസിറ്റ് അക്കൗണ്ട് ഉടമകൾക്കാണ് പുതിയതായി നിലവിൽ വരുന്ന നിയമങ്ങൾ ബാധകമാവുകയെന്ന്
എസ്ബിഐ അറിയിച്ചു.
ചെക്ക്ബുക്ക് ചാർജുകളിലും മാറ്റങ്ങളുണ്ടാകും. 10 പേജുള്ള ചെക്ക്ബുക്കാണ് എസ്ബിഐ നിലവിൽ സൗജന്യമായി പ്രതിവർഷം നൽകുന്നത്. ഇതിന് ശേഷം 10 ലീഫുള്ളതിന് 40 രൂപയും 25 എണ്ണമുള്ളതിന് 75 രൂപയും നൽകണം. അടിയന്തരമായി ചെക്ക്ബുക്ക് ലഭിക്കണമെങ്കിൽ 50 രൂപയും നൽകണം.
