തിരുവനന്തപുരം: കെപിസിസി അധ്യക്ഷൻ മുല്ലപ്പള്ളി രാമചന്ദ്രനെതിരെ നഗരത്തിൽ പോസ്റ്ററുകൾ. സേവ് കോൺഗ്രസ് എന്ന പേരിൽ എംഎൽഎ ഹോസ്റ്റലിന് മുൻപിലാണ് പോസ്റ്റർ ഒട്ടിച്ചിരിക്കുന്നത്. മുല്ലപ്പള്ളിക്കെതിരേ കോൺഗ്രസിൽ അമർഷം ശക്തിപ്പെടുന്നതിനിടെയാണ് പരസ്യ പ്രതികരണം.
കടിച്ചു തൂങ്ങിയാൽ പ്രവർത്തകർക്ക് അടിച്ചിറക്കേണ്ടി വരുമെന്നും പാർട്ടിയെ വെൻറിലേറ്ററിലാക്കി, ഇനി ശവദാഹം കൂടി നടത്തിയേ മാറുകയുള്ളുവെന്നുമാണ് തിരുവനന്തപുരത്ത് പ്രത്യക്ഷപ്പെട്ട പോസ്റ്ററിൽ എഴുതിയിരിക്കുന്നത്.
കെപിസിസിയിലെ സുഖജീവിതം അവസാനിപ്പിക്കണമെന്നും കെപിസിസിയിലെ അച്ചി ഭരണം അവസാനിപ്പിക്കണമെന്നും പോസ്റ്ററിൽ ആവശ്യപ്പെടുന്നു. നിയമസഭാ തെരഞ്ഞെടുപ്പിലെ ദയനീയ പരാജയത്തിന് ശേഷം കോൺഗ്രസ് നേതൃത്വത്തോടുള്ള അമർഷം മറനീക്കി പുറത്തു വരുന്നതിൻറെ സൂചനയായാണ് ഈ പോസ്റ്ററുകൾ വിലയിരുത്തുന്നത്.
