തിരുവനന്തപുരം: കേരളത്തിലോടുന്ന പത്ത് എക്സ്പ്രസ് ട്രെയിനുകള്‍ സര്‍വീസ് റദ്ദാക്കിയതായി റെയില്‍വെ അറിയിച്ചു. കൊറോണ വ്യാപനം രൂക്ഷമായ സാഹചര്യത്തില്‍ യാത്രക്കാരുടെ എണ്ണത്തില്‍ കുറവ് വന്നതിനാലാണ് ട്രെയിനുകള്‍ റദ്ദാക്കിയതെന്നാണ് വിശദീകരണം.
മെയ് 6 മുതല്‍ 15 വരെയാണ് ഈ സര്‍വീസുകള്‍ റദ്ദാക്കിയിട്ടുള്ളത്. നിലവില്‍ ഈ ട്രെയിനുകളിലെ യാത്രക്കായി ടിക്കറ്റ് റിസര്‍വ് ചെയ്ത യാത്രക്കാര്‍ക്ക് പണം തിരിച്ചു നല്‍കുന്നതാണെന്നും റെയില്‍വെ അറിയിച്ചു.
റദ്ദാക്കിയ ട്രെയിനുകള്‍:
തിരുച്ചിറപ്പളളി ജംഗ്ഷന്‍-തിരുവനന്തപുരം സെന്‍ട്രല്‍
തിരുവനന്തപുരം സെന്‍ട്രല്‍ – തിരുച്ചിറപ്പളളി ജംഗ്ഷന്‍
ഗുരുവായൂര്‍- തിരുവനന്തപുരം സെന്‍ട്രല്‍ (ഇന്‍റര്‍സിറ്റി)
തിരുവനന്തപുരം സെന്‍ട്രല്‍- ഗുരുവായൂര്‍ (ഇന്‍റര്‍സിറ്റി)
പുനലൂര്‍- ഗുരുവായൂര്‍ സ്പെഷ്യല്‍
ഗുരുവായൂര്‍- പുനലൂര്‍ സ്പെഷ്യല്‍
എറണാകുളം ജംഗ്ഷന്‍- കണ്ണൂര്‍ (ഇന്‍റര്‍സിറ്റി)
കണ്ണൂര്‍- എറണാകുളം ജംഗ്ഷന്‍ (ഇന്‍റര്‍സിറ്റി)
ആലപ്പുഴ- കണ്ണൂര്‍ (എക്സിക്യൂട്ടീവ്)
കണ്ണൂര്‍ – ആലപ്പുഴ (എക്സിക്യൂട്ടീവ്)
