ചെന്നൈ: മദ്യപിച്ച് വോട്ട് ചെയ്യാനെത്തിയയാൾ വോട്ടിംഗ് മെഷിന്‍ അരിവാള്‍ കൊണ്ട് വെട്ടിമുറിച്ചു. തമിഴ്നാട്ടിലെ പുതുക്കോട്ടയിലാണ് സംഭവം.
വോട്ട് ചെയ്യാനെത്തിയ ഇയാളും സുരക്ഷ ജീവനക്കാരും മദ്യപിച്ചതിന്‍റെ പേരില്‍ രൂക്ഷമായ വാക്കുതർക്കമുണ്ടായി. പിന്നീട് ഉദ്യോഗസ്ഥരെ തട്ടിമാറ്റി ബൂത്തിലേക്ക് ഇയാൾ ഓടിക്കയറി വോട്ടിംഗ് മെഷിന്‍ അരിവാള്‍ കൊണ്ട് വെട്ടിമുറിക്കുകയായിരുന്നു.
സംഭവശേഷം പോലീസ് ഇയാളെ അറസ്റ്റ് ചെയ്തു നീക്കി. ഇവിഎമ്മിന്‍റെ നിയന്ത്രണ യൂണിറ്റിന് കേട് പറ്റിയിട്ടില്ലെന്നും പോൾ ചെയ്ത വോട്ടുകൾ സുരക്ഷിതമാണെന്നും അധികൃതര്‍ അറിയിച്ചു.
