കണ്ണൂർ: നിയമസഭാ തെരഞ്ഞെടുപ്പിൽ ഉദ്യോഗസ്ഥരെ ഉപയോഗിച്ച് ഇടതുപക്ഷം കൃത്രിമം കാണിക്കുന്നുവെന്ന് കെ സുധാകരൻ എംപി. 80 വയസിന് മുകളിലുള്ളവർക്കുള്ള തപാൽ വോട്ടിൻ്റെ പേരിലും തട്ടിപ്പ് നടത്തുന്നു. സിപിഐഎം ശക്തി കേന്ദ്രങ്ങളിൽ പോളിംഗ് ഉദ്യോഗസ്ഥരായി വനിതകളെയാണ് നിയോഗിക്കുന്നത്.
പുരുഷന്മാർക്ക് പോലും എതിർക്കാൻ പറ്റാത്ത ഇടങ്ങളിൽ സ്ത്രീകൾക്ക് എങ്ങനെ പിടിച്ചു നിൽക്കാൻ കഴിയുമെന്നും കെ സുധാകരൻ ചോദിച്ചു. ഇടതുപക്ഷത്തെ വിജയത്തിലേക്ക് നയിക്കാനുള്ള ആസൂത്രിത നീക്കമാണിത്. തെരഞ്ഞെടുപ്പ് നടപടികൾ ആധാറുമായി ലിങ്ക് ചെയ്യണമെന്നും കെ സുധാകരൻ ആവശ്യപ്പെട്ടു.
