കെ​യ്റോ: ദ​ക്ഷി​ണ ഈ​ജി​പ്തി​ൽ ര​ണ്ട് ട്രെ​യി​നു​ക​ൾ കൂ​ട്ടി​യി​ടി​ച്ച്‌ 32 പേ​ർ കൊ​ല്ല​പ്പെ​ടു​ക​യും 66 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. വെ​ള്ളി​യാ​ഴ്ച സൊ​ഹാ​ഗ് പ്ര​വി​ശ്യ​യി​ലെ ത​ഹ്‌​ത ജി​ല്ല​യി​ലാ​യി​രു​ന്നു അ​പ​ക​ടം.ഇ​ടി​യു​ടെ ആ​ഘാ​ത​ത്തി​ൽ മൂ​ന്ന് ബോ​ഗി​ക​ൾ പാ​ളം തെ​റ്റി​മ​റി​ഞ്ഞു.

ഒ​രേ ലൈ​നി​ൽ വ​ന്ന ട്രെ​യി​നു​ക​ളാ​ണ് ഇ​ടി​ച്ച​ത്. മു​ന്നി​ൽ​പോ​യ ട്രെ​യി​നി​ൽ ഒ​രാ​ൾ അ​പാ​യ ച​ങ്ങ​ല വ​ലി​ച്ച​താ​ണ് അ​പ​ക​ട​ത്തി​നു കാ​ര​ണ​മാ​യ​തെ​ന്ന് പ​റ​യു​ന്നു. ട്രെ​യി​ൻ പെ​ട്ടെ​ന്ന് നി​ർ​ത്തി​യ​പ്പോ​ൾ പി​ന്നാ​ലെ​വ​ന്ന ട്രെ​യി​ൻ ഇ​ടി​ക്കു​ക​യാ​യി​രു​ന്നു.

എമർജൻസി ബ്രേക്കുകൾ പ്രവർത്തനക്ഷമമാക്കിയതോടെ ഓടിക്കൊണ്ടിരുന്ന ട്രെയിൻ നിൽക്കുകയും പിന്നാലെയെത്തിയ ട്രെയിൻ നിർത്തിയിട്ട ട്രെയിനിലേക്ക് ഇടിച്ചുകയറുകയുമായിരുന്നു. സംഭവത്തിൽ അന്വേഷണം പുരോഗമിക്കുകയാണ്.

വടക്കേ ആഫ്രിക്കയിലെ ഏറ്റവും പഴക്കമേറിയതും വലുതുമായ റെയിൽവെ ശൃംഖലകളിലൊന്നാണ് ഈജിപ്തിന്റേത്. 36 ആംബുലൻസുകൾ ആരോഗ്യ അധികൃതർ സംഭവസ്ഥലത്തേക്ക് അയച്ചിട്ടുണ്ടെന്നും അപകടത്തിൽപ്പെട്ടവരെ പ്രാദേശിക ആശുപത്രികളിലേക്ക് കൊണ്ടുപോവുകയാണെന്നും ആരോഗ്യ മന്ത്രാലയം അറിയിച്ചു. കൂട്ടിയിടിയെ തുടർന്ന് പാളം തെറ്റിയ ട്രെയിനുകളുടെ പടങ്ങൾ പ്രാദേശിക മാധ്യമങ്ങൾ പുറത്തുവിട്ടിട്ടുണ്ട്.