തിരുവനന്തപുരം: കോൺഗ്രസ്​ മുക്ത ഭാരതമെന്ന ബിജെപി മുദ്രാവാക്യത്തിൽ സിപിഎം വീണെന്ന് നടൻ ജഗദീഷ്​. തെരഞ്ഞെടുപ്പിൽ എൽഡിഎഫിന്​ ബിജെപിയുടെ രഹസ്യ പിന്തുണ കിട്ടുമെന്ന്​ സിനമയിലെ ഇടതുപക്ഷത്തുള്ളവർ പറഞ്ഞു. ആർ ബാലശങ്കറിന്‍റെ പ്രസ്​താവനയിൽ അതിന്‍റെ ഉള്ളുകളികൾ പുറത്തുവന്നെന്നും ജഗദീഷ്​ പറഞ്ഞു.

കഴിഞ്ഞ തെരഞ്ഞെടുപ്പിൽ പത്തനാപുരം മണ്ഡലത്തിൽ യുഡിഎഫ്​ സ്ഥാനാർഥിയായിരുന്ന ജഗദീഷ്​ കെബി ഗണേഷ്​ കുമാറിനോട്​ പരാജയപ്പെട്ടിരുന്നു. ഇത്തവണയും യുഡിഎഫ്​ പ്രചാരണ വേദികളിൽ ജഗദീഷ്​ സജീവ സാന്നിധ്യമാണ്​.

ഇത്തവണ മത്സരിക്കാനില്ലെന്ന്​ താൽപര്യമില്ലെന്ന്​ താൻ നേതൃത്വത്തോട്​ പറഞ്ഞിരുന്നു. മുഖ്യമന്ത്രിയുടെ പ്രിൻസിപ്പൽ സെക്രട്ടറിയുൾപ്പെടെയുള്ളവർക്കെതിരെയുള്ള അഴിമതി ആരോപണങ്ങൾ മേൽത്തട്ട്​ അഴിമതിയാണെന്നും അറിഞ്ഞില്ലെന്ന് പറഞ്ഞ്​ ഒഴിഞ്ഞുമാറുന്നത്​ നല്ല ഭരണാധികാരിയുടെ ലക്ഷണ​മല്ലെന്നും ജഗദീഷ്​ പറഞ്ഞു.