ന്യൂ ​ഡെൽഹി: കേ​ര​ള​ത്തി​ലെ ഇ​ട​ത് ഭ​ര​ണം അ​വ​സാ​നി​ക്കാ​ൻ ജ​ന​ങ്ങ​ൾ ആ​ഗ്ര​ഹി​ക്കു​ന്നു​ണ്ടെ​ന്ന് കോ​ൺ​ഗ്ര​സ് പ്രവ​ർ​ത്ത​ക സ​മി​തി അം​ഗം എകെആ​ൻറ​ണി. വിജയം മാത്രമാണ് ഇനിയുള്ള ലക്ഷ്യം. അതിനായി പ്രവർത്തകർ പരിഭവം മറന്ന് ഒറ്റക്കെട്ടായി പ്രവർത്തിക്കണം. ഡെൽഹി​യി​ൽ വാ​ർ​ത്താ സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പി.​സി.ചാ​ക്കോ​യു​ടെ പ്ര​സ്താ​വ​ന​ക​ളോ​ട് താ​ൻ പ്ര​തി​ക​രി​ക്കു​ന്നി​ല്ല. സ്ഥാ​നാ​ർ​ഥി നി​ർ​ണ​യ​ത്തി​ൽ ഹൈക്കമാൻഡ് ഇ​ട​പെ​ട​ലു​ണ്ടാ​യി​ട്ടി​ല്ല.

സീറ്റ് കിട്ടാത്തതിന്റെ പേരിൽ മനസ്സിൽ മുറിവുകൾ സൂക്ഷിക്കുന്ന സുഹൃത്തുക്കളുടെ വേദന മനസ്സിലാക്കുന്നു. എന്നാൽ ഇത്തരം ചർച്ചകൾ അവസാനിപ്പിക്കണമെന്ന് പാർട്ടി ഹൈക്കമാൻഡ് പറഞ്ഞുകഴിഞ്ഞാൽ അവിടം കൊണ്ട് അത്തരം പ്രശ്‌നങ്ങൾ അവസാനിപ്പിക്കാൻ അവർ തയ്യാറാവണം.

ഇനിയുള്ള ചർച്ചകൾ മുഴുവനും യുഡിഎഫ് സ്ഥാനാർഥിയെ വിജയിപ്പിക്കുന്നതിനുള്ളതായിരിക്കണമെന്നും അദ്ദേഹം ആവശ്യപ്പെട്ടു. അ​തേ​സ​മ​യം വ​നി​താ പ്രാ​തി​നി​ധ്യം കു​റ​ഞ്ഞു​വെ​ന്ന വി​മ​ർ​ശ​നം അ​ദ്ദേ​ഹം ശ​രി​വ​ച്ചു. വ​നി​താ പ്രാ​തി​നി​ധ്യ​ത്തി​ൽ ത​മ്മി​ൽ ഭേ​ദം കോ​ൺ​ഗ്ര​സ് ആ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.

ഹൈക്കമാൻഡ് എന്നത് കെസി വേണുഗോപാലണെന്ന് കഴിഞ്ഞ ദിവസം കെ സുധാകരൻ നടത്തിയ പ്രസ്തവനയെക്കുറിച്ചും എകെ ആന്റണി പ്രതികരിച്ചു. കണ്ണൂരിൽ അഞ്ച് സീറ്റ് എങ്കിലും കിട്ടുമെന്നാണ് സുധാകരൻ താനുമായി നടത്തിയ ചർച്ചയിൽ പറഞ്ഞത്. അതിനായി അഹോരാത്രം പ്രവർത്തിക്കുമെന്ന് ഉറപ്പ് നൽകിയതായി എകെ ആന്റണി പറഞ്ഞു.

ബി​ജെ​പി​യു​ടെ ഏ​ക നി​യ​മ​സ​ഭാ സീ​റ്റാ​യ​തു​കൊ​ണ്ടാ​ണ് നേ​മ​ത്ത് ക​രു​ത്ത​നെ ത​ന്നെ രം​ഗ​ത്തി​റ​ക്കി​യ​ത്. സ്ഥാ​നാ​ർ​ഥി നി​ർ​ണ​യം ക​ഴി​ഞ്ഞ് പ​ട്ടി​ക പ്ര​ഖ്യാ​പി​ച്ചാ​ൽ പി​ന്നീ​ട് എ​തി​ർ​പ്പു​ക​ൾ ഉ​യ​ർ​ത്ത​രു​ത്. ഹൈ​ക്ക​മാ​ൻ​ഡ് പ്ര​ഖ്യാ​പ​നം വ​ന്നു​ക​ഴി​ഞ്ഞാ​ൽ കോ​ൺ​ഗ്ര​സ് സ്ഥാ​നാ​ർ​ഥി​യു​ടെ വി​ജ​യ​ത്തി​നാ​യി ഇ​റ​ങ്ങു​ക​യാ​ണ് പ്ര​വ​ർ​ത്ത​ക​ർ ചെ​യ്യേ​ണ്ട​ത്. നി​ല​വി​ൽ യു​ഡി​എ​ഫി​ന് അ​നു​കൂ​ല സാ​ഹ​ച​ര്യ​മാ​ണ് കേ​ര​ള​ത്തി​ലു​ള്ള​തെന്നും അ​ദ്ദേ​ഹം പറഞ്ഞു.