താനെ: കൊറോണ രോഗികളുടെ എണ്ണം പെരുകുന്ന സാഹചര്യത്തിലും മഹാരാഷ്ട്രയിൽ പോത്തിൻ്റെ ജന്മദിനം ആഘോഷമാക്കി യുവാവ്. വ്യാഴാഴ്ച ‘താനെ’ യിലാണ് സംഭവം. രേട്ടി ബന്ദറിലാണ് കിരൺ മാത്രെയെന്ന 30 കാരൻ സ്വന്തം പോത്തിൻ്റെ ജന്മദിനാഘോഷം നാട്ടുകാരോടൊപ്പം ആഘോഷിച്ചത്.
പരിപാടി കഴിഞ്ഞ് പിന്നാലെയെത്തിയ പൊലിസ് , ജന്മദിനാഘോഷം സംഘടിപ്പിച്ചതിന് കിരണിനെതിരെ കേസെടുത്തു. പകർച്ച വ്യാധി വ്യാപനത്തിന് കാരണമാകുന്ന ചടങ്ങുകൾ നടത്തുന്നതിനെതിരായ ക്രിമിനൽ നിയമം 269ാം വകുപ്പു പ്രകാരമാണ് കേസ്.
ചടങ്ങിനെത്തിയവർ മാസ്ക് ധരിക്കാതെ , സാമൂഹിക അകലം പാലിക്കുകയും ചെയ്യാത്തതാണ് പ്രശ്നമായത്. സംസ്ഥാനത്ത് കൊറോണ രണ്ടാം വ്യാപനം രൂക്ഷമായ സാഹചര്യത്തിൽ ചിലയിടങ്ങളിൽ നിയന്ത്രണങ്ങൾ ഏർപ്പെടുത്തിയിരുന്നു.
