തിരുവനന്തപുരം: നിയമസഭാ തിരഞ്ഞെടുപ്പിനുള്ള നാല് സ്ഥാനാര്‍ത്ഥികളെ പ്രഖ്യാപിച്ച് ആര്‍എസ്പി. ആര്‍എസ്പി അഞ്ച് സീറ്റില്‍ മത്സരിക്കുമെന്ന് പാര്‍ട്ടി സംസ്ഥാന സെക്രട്ടറി എ എ അസീസ് പറഞ്ഞു. ചവറയില്‍ ഷിബു ബേബി ജോണ്‍ ആയിരിക്കും മത്സരത്തിനിറങ്ങുക. ഇരവിപുരത്ത് ബാബു ദിവാകരന്‍ മത്സരിക്കും.
കുന്നത്തൂരില്‍ ഉല്ലാസ് കോവൂരും ആറ്റിങ്ങളില്‍ അഡ്വ. എ ശ്രീധരനും സ്ഥാനാര്‍ത്ഥികളാകും. കയ്പമംഗലം സീറ്റിന് പകരമായി അമ്പലപ്പുഴ എന്നതില്‍ യുഡിഎഫ് മറുപടി തന്നില്ലെന്നും എ എ അസീസ് പറഞ്ഞു. അതേസമയം സീറ്റ് വിഭജനം യുഡിഎഫ് ഉടന്‍ പൂര്‍ത്തിയാക്കും. വിട്ടുവീഴ്ചകള്‍ വേണമെന്ന് ഘടക കക്ഷികളോട് കോണ്‍ഗ്രസ് ആവശ്യപ്പെട്ടിരുന്നു.
