കോട്ടയം: തന്‍റെ യുഡിഎഫ് പ്രവേശനം അടഞ്ഞ അധ്യായമെന്ന് പിസി. ജോർജ് എംഎൽഎ. യുഡിഎഫിലേക്ക് പോകാൻ ഇനിയില്ല. യുഡിഎഫ് നേതാക്കൾ വഞ്ചകൻമാരാണ്. ഉമ്മൻ ചാണ്ടിക്കെതിരേ കൂടുതൽ വെളിപ്പെടുത്തലുകൾ ഉടൻ ഉണ്ടാകുമെന്നും ജോർജ് വ്യക്തമാക്കി.
നിയമസഭാ തെരഞ്ഞെടുപ്പുമായി ബന്ധപ്പെട്ട് എൻഡിഎ‍യുമായി ചർച്ച നടത്തുകയാണ്. തീരുമാനം ബുധനാഴ്ച പ്രഖ്യാപിക്കുമെന്നും ജോർജ് പറഞ്ഞു.
അതേസമയം നിയമസഭ തിരഞ്ഞെടുപ്പിൽ പൂഞ്ഞാർ നിയോജകമണ്ഡലത്തിൽ കേരള ജനപക്ഷം (സെക്യൂലർ) സ്‌ഥാനാർത്ഥിയായി പി. സിജോർജിനെ പ്രഖ്യാപിക്കുന്നതായി കേരള ജനപക്ഷം ചെയർമാൻ
ഇകെഹസ്സൻകുട്ടി പ്രസ്താവനയിൽ അറിയിച്ചു.
നിയോജക മണ്ഡലങ്ങളിലെ രാഷ്ട്രീയ നിലപാടുകൾ സംബന്ധിച്ച് മാർച്ച്‌ 3-ന് കോട്ടയത്ത്‌ ചേരുന്ന സംസ്‌ഥാന സെക്രട്ടേറിയേറ്റ് യോഗത്തിനുശേഷം പ്രഖ്യാപിക്കുന്നതാണ്. യോഗത്തിൽ സംസ്‌ഥാന ഭാരവാഹികൾ, ജില്ലാ പ്രസിഡന്റുമാർ, പോഷക സംഘടന സംസ്‌ഥാന പ്രസിഡന്റുമാർ, ജില്ലാ ചാർജ് ജനറൽ സെക്രട്ടറിമാർ തുടങ്ങിയവർ പങ്കെടുക്കും.
