കട്ടപ്പന: തിരക്കഥാകൃത്ത് സുനിൽ പരമേശ്വരൻ ചെക്ക് കേസുമായി ബന്ധപ്പെട്ട് അറസ്റ്റിൽ. ഇടുക്കി കാന്തല്ലൂരിൽ നിന്നാണ് സുനിലിനെ പോലീസ് കസ്റ്റഡിയിലെടുത്തത്. വർക്കല സ്വദേശി നൽകിയ പരാതിയുടെ അടിസ്ഥാനത്തിലാണ് നടപടി.
അറസ്റ്റ് രേഖപ്പെടുത്തിയ ശേഷം സുനിലിനെ വർക്കല കോടതിയിൽ ഹാജരാക്കുമെന്ന് പോലീസ് അറിയിച്ചു. രുദ്ര സിഹാസനം, അനന്തഭദ്രം, ബൈദ പീപ്പിൾ എന്നീ മലയാള സിനിമകളുടെ തിരക്കഥാകൃത്താണ് സുനിൽ പരമേശ്വരൻ.
നിരവധി മാന്ത്രിക നേവലുകളും കഥകളും അദ്ദേഹം രചിച്ചിട്ടുണ്ട്. മാടൻ കൊല്ലി, വെള്ളിമന, കൂനൂർ മഠം, ഭ്രമണ ദേവത, ഗരുഡ മാളിക എന്നിവയാണ് സുനിൽ പരമേശ്വരന്റെ പ്രശസ്തമായ നോവലുകൾ.
