മുംബൈ: ഐടി, വാഹന ഓഹരികളുടെ കുതിപ്പിൽ സൂചികകൾ വീണ്ടും ചരിത്രംകുറിച്ചു. നിഫ്റ്റി 14,367ലും സെൻസെക്സ് 48,854ലിലുമാണ് വ്യാപാരം അവസാനിപ്പിച്ചത്.

689 പോയന്റാണ് സെൻസെക്സിലെ നേട്ടം. നിഫ്റ്റി 210 പോയന്റും ഉയർന്നു. യഥാക്രമം 1.43ശതമാനവും 1.48ശതമാനവും നേട്ടമാണ് ഇരുസൂചികകളിലുമുണ്ടായത്.

ആഗോള വിപണികളിലെ നേട്ടമാണ് രാജ്യത്തെ സൂചികകൾക്ക് കരുത്ത് പകർന്നത്. പുറത്തുവരാനിരിക്കുന്ന ടിസിഎസ് ഉൾപ്പടെയുള്ള കമ്പനികളുടെ പ്രവർത്തനഫലം മികച്ചതായിരിക്കുമെന്ന പ്രതീക്ഷയും സമ്പദ്ഘടനയുടെ തിരിച്ചുവരവ് അടയാളപ്പെടുത്തിക്കൊണ്ടുള്ള വിലയിരുത്തലുകളും വിപണിയിൽ പ്രതിഫലിച്ചു.

ടെക് മഹീന്ദ്ര, വിപ്രോ, ഇൻഫോസിസ്, എച്ച്സിഎൽ ടെക്, മാരുതി, യുപിഎൽ, ഹീറോ മോട്ടോർകോർപ്, പവർഗ്രിഡ് കോർപ്, സൺ ഫാർമ, ഒഎൻജിസി, ബജാജ് ഓട്ടോ തുടങ്ങിയ ഓഹരികളാണ് നേട്ടമുണ്ടാക്കിയത്. ഹിൻഡാൽകോ, ടാറ്റ സ്റ്റീൽ, ഭാരതി എയർടെൽ, ഐടിസി, എസ്ബിഐ തുടങ്ങിയ ഓഹരികൾ നഷ്ടത്തിലുമാണ് ക്ലോസ് ചെയ്തത്.

ബിഎസ്ഇ മിഡ്ക്യാപ് സൂചിക 1.01ശതമാനവും സ്മോൾ ക്യാപ് സൂചിക 0.72ശതമാനവും ഉയർന്നു. ബിഎസ്ഇ മിഡ്ക്യാപ് സൂചികയാകട്ടെ പുതിയ ഉയരംകുറിച്ച് 19,161 നിലവാരത്തിലെത്തുകയുംചെയ്തു.