കൊ​ച്ചി: ക​ന​ക​മ​ല ഐ.​എ​സ്​ കേ​സി​ല്‍ ബ​ന്ധ​മു​ണ്ടെ​ന്ന്​ സം​ശ​യി​ക്കു​ന്ന​യാ​ളു​ടെ ര​ഹ​സ്യ​മൊ​ഴി രേ​ഖ​പ്പെ​ടു​ത്താ​ന്‍ എ​ന്‍ഐഎ തീ​രു​മാ​നം. കോഴിക്കോട് സ്വദേശിയുടെ രഹസ്യ മൊഴി രേഖപ്പെടുത്താൻ ആണ് തുടങ്ങിയത്. 2016 ​ഒ​ക്​​ടോ​ബ​റി​ല്‍ ക​ണ്ണൂ​ര്‍ ക​ന​ക​മ​ല​യി​ല്‍ ര​ഹ​സ്യ​യോ​ഗം ന​ട​ത്തി​യെ​ന്ന കേ​സി​ലാ​ണ് ഇയാളുടെ മൊഴി രേഖപ്പെടുത്തുന്നത്.

അ​ടു​ത്തി​ടെ ജോ​ര്‍​ജി​യ​യി​ല്‍​ നി​ന്നും സൗ​ദി അ​റേ​ബ്യ​യി​ല്‍​ നി​ന്നും നാ​ടു​ക​ട​ത്തി​യ ര​ണ്ട്​ പ്ര​തി​ക​ളെ ചോ​ദ്യം ചെ​യ്​​ത​പ്പോ​ഴാ​ണ്​ ഇ​യാ​ളെ​ക്കു​റി​ച്ച്‌​ വി​വ​രം ല​ഭി​ച്ച​ത്. ഇ​വ​ര്‍ കോ​ഴി​ക്കോ​ട്​ ഒ​രു റ​സ്​​റ്റാ​റ​ന്‍​റി​ല്‍​ വെ​ച്ച്‌​ ഗൂ​ഢാ​ലോ​ച​ന ന​ട​ത്തി​യെന്ന്​ എ​ന്‍ഐഎ​ പറഞ്ഞു.

ഇ​തിന്റെ അ​ടി​സ്​​ഥാ​ന​ത്തി​ല്‍ ബ​ന്ധ​മു​ണ്ടെ​ന്ന്​ സം​ശ​യി​ക്കു​ന്ന​യാ​ളെ ചോ​ദ്യം ചെ​യ്​​ത​ശേ​ഷ​മാ​ണ്​ സാ​ക്ഷി​യാ​ക്കാ​നു​ള്ള നീ​ക്കം തു​ട​ങ്ങി​യ​ത്.​ എ​ന്‍ഐഎ ന​ല്‍​കി​യ അ​പേ​ക്ഷ​യു​ടെ അ​ടി​സ്​​ഥാ​ന​ത്തി​ല്‍ എ​റ​ണാ​കു​ളം ചീ​ഫ്​ ജു​ഡീ​ഷ്യ​ല്‍ മ​ജി​സ്​​ട്രേ​റ്റ്​ കോ​ട​തി ര​ഹ​സ്യ​മൊ​ഴി രേ​ഖ​പ്പെ​ടു​ത്താ​ന്‍ മ​ജി​സ്​​ട്രേ​റ്റി​നെ ചു​മ​ത​ല​പ്പെ​ടു​ത്തും.