ചെന്നൈ: പ്രശസ്തന ചലച്ചിത്ര നിർമാതാവും സംവിധായകനുമായ ഡോ ജയകുമാർ(72) അന്തരിച്ചു. വാർധക്യ സഹജമായ അസുഖങ്ങളെ തുടർന്നാണ് മരണം. നടൻ ബാലയും തമിഴിലെ പ്രശസ്ത സംവിധായകൻ ശിവയും മക്കളാണ്.

നൂറിലധികം പ്രോജക്ടുകളുടെ ഭാ​ഗമായിട്ടുള്ള അദ്ദേഹം ഡോക്യുമെന്ററി സംവിധായകനും ഫോട്ടോ​ഗ്രാഫറും കൂടിയാണ്. അരുണചലം സ്റ്റുഡിയോ ഉടമ ആയിരുന്ന എ കെ വേലന്റെ മകൾ ചെന്താമരയാണ് ഭാര്യ. മൂന്നു മക്കളാണുള്ളത്. മൂത്ത മകൻ ശിവ. രണ്ടാമത്തെ മകനാണ് ബാല, ഒരു മകൾ, ശാസ്ത്രജ്ഞയായി ജോലി ചെയ്യുന്നു.

ചെന്നൈ വിരുഗമ്പാക്കത്ത് ദീർഘകാലമായി താമസിച്ചിരുന്ന ജയകുമാർ സാമൂഹിക പ്രവർത്തനങ്ങളിൽ സജീവമായിരുന്നു. സംസ്കാര ചടങ്ങുകൾ ഇന്ന് ചെന്നൈയിൽ നടക്കും.