അഹമ്മദാബാദ്: ഗുജറാത്തിലെ രാജ്‌കോട്ടില്‍ കൊറോണ ആശുപത്രിയില്‍ തീപിടിത്തം. വെളളിയാഴ്ച പുലര്‍ച്ചെ ശിവാനന്ദ് ആശുപത്രിയിലെ തീവ്രപരിചരണ വിഭാഗത്തിലുണ്ടായ തീ പിടിത്തത്തില്‍ അഞ്ച് പേര്‍ മരിച്ചു. തീപിടിത്തത്തിന്റെ കാരണം വ്യക്തമായിട്ടില്ല.
മുഖ്യമന്ത്രി വിജയ് രൂപാനി അന്വേഷണത്തിന് ഉത്തരവിട്ടു. ഇന്ന് പുലര്‍ച്ചെയാണ് തീപിടിത്തമുണ്ടായത്. തീ നിയന്ത്രണ വിധേയമായിട്ടുണ്ട്. അപകടത്തില്‍ രക്ഷപ്പെട്ട കൊറോണ രോഗികളെ മറ്റൊരു ആശുപത്രിയിലേക്ക് മാറ്റി.
കഴിഞ്ഞ ഓഗസ്റ്റില്‍ അഹമ്മദബാദിലെ ഒരു സ്വകാര്യ ആശുപത്രിയിലുണ്ടായ തീ പിടിത്തത്തില്‍ എട്ട് കൊറോണ രോഗികള്‍ മരിച്ചിരുന്നു. രാജ്യത്ത് ഇത് മൂന്നാമത്തെ സംഭവമാണെന്നാണ് റിപ്പോർട്ട്.