കോ​ട്ട​യം: ത​​ദ്ദേ​ശ തെ​ര​ഞ്ഞെ​ടു​പ്പി​ൽ ജോ​സ്, ജോ​സ​ഫ്​ വി​ഭാ​ഗ​ങ്ങ​ൾ​ക്ക്​ മുന്നണികൾ കൈഅയഞ്ഞ് സീറ്റുകൾ നൽകി പ്രോൽസാഹിപ്പിച്ചതോടെ ഇരുവിഭാഗവും ജിവൻ മരണ പോരാട്ടം തുടങ്ങി. കേരള രാഷ്ട്രീയത്തിൽ ഇരുവിഭാഗത്തിൻ്റെയും അളവുകോൽ കൂടിയാണ് ഈ തെരഞ്ഞെടുപ്പ്. സീ​റ്റു​ക​ളു​ടെ കാ​ര്യ​ത്തി​ൽ ഇ​രു​മു​ന്ന​ണി​യും ന​ൽ​കി​യ​ത്​ മി​ക​ച്ച പ​രി​ഗ​ണ​നയാണ്. തങ്ങളുടെ കരുത്ത് തെളിയിക്കാനുള്ള ആദ്യ അവസരമാണ് ഇരുവിഭാഗത്തിനും തദ്ദേശ തെരഞ്ഞെടുപ്പ്.

പെട്ടെന്നുള്ള ചുവടുമാറ്റം നേതാക്കൾ കുറെയൊക്കെ അംഗീകരിച്ചെങ്കിലും അണികൾ എത്രമാത്രം ഉൾക്കൊണ്ടുവെന്നത് തെളിയിക്കേണ്ടത് ജോസ് വിഭാഗത്തിൻ്റെ നിലനിൽപ്പിന് ഏറെ പ്രധാനമാണ്. അണികൾ ചോർന്നു പോയിട്ടില്ലെന്ന് ബോധ്യപ്പെടുത്തേണ്ടത് ജോസഫ് പക്ഷത്തിനും ഏറെ വിലപ്പെട്ടതാണ്.

പാലായിലടക്കം ഇരു വിഭാഗങ്ങളും തീ പാറുന്ന പോരാട്ടമാണ്. മ​ധ്യ​കേ​ര​ള​ത്തി​ലെ കേ​ര​ള കോ​ൺ​ഗ്ര​സ്​ സ്വാ​ധീ​ന മേ​ഖ​ല​ക​ളി​ലെ​ല്ലാം ഇ​രു​പ​ക്ഷ​ത്തി​നും ഇ​ത്ത​വ​ണ കാ​ര്യ​മാ​യി​ത​ന്നെ സീ​റ്റു​ക​ൾ ല​ഭി​ച്ചു. കോ​ട്ട​യ​ത്തും ഇ​ടു​ക്കി​യി​ലും പ​ത്ത​നം​തി​ട്ട​യി​ലും കേ​ര​ള കോ​ൺ​ഗ്ര​സു​ക​ൾ​ക്ക്​ ല​ഭി​ച്ച​ത്​ അ​ർ​ഹ​മാ​യ പ​രി​ഗ​ണ​ന​യാ​ണെ​ന്ന്​ പാ​ർ​ട്ടി വൃ​ത്ത​ങ്ങ​ളും സ​മ്മ​തി​ക്കു​ന്നു.

ജോ​സ്​ വി​ഭാ​ഗം യു.​ഡി.​എ​ഫ്​ വി​ട്ട​പ്പോൾ ഒ​ഴി​വു​വ​ന്ന സീ​റ്റു​ക​ളി​ൽ ബ​ഹു​ഭൂ​രി​പ​ക്ഷ​വും ത​ങ്ങ​ൾ​ക്ക്​ കി​ട്ടി​യെ​ന്ന്​ പിജെ ജോ​സ​ഫും വ്യ​ക്ത​മാ​ക്കി.​ മ​ല​പ്പു​റം, കാ​സ​ർ​കോ​ട്​ ഒ​ഴി​കെ​യു​ള്ള ജി​ല്ല​ക​ളി​ലെ​ല്ലാം ജോ​സ​ഫ്​ വി​ഭാ​ഗ​ത്തി​നു​ സീ​റ്റ്​ ല​ഭി​ച്ച​പ്പോ​ൾ ജോ​സ്​ വി​ഭാ​ഗ​ത്തി​ന്​ ഈ ​ജി​ല്ല​ക​ളി​ലും അ​ർ​ഹ​മാ​യ പ​രി​ഗ​ണ​ന ഇ​ട​തു​മു​ന്ന​ണി ന​ൽ​കി. 11 ജി​ല്ല​ക​ളി​ൽ 25 സീ​റ്റി​ലാ​ണ്​ ജി​ല്ല പ​ഞ്ചാ​യ​ത്തി​ൽ ജോ​സ​ഫ്​ വി​ഭാ​ഗം മ​ത്സ​രി​ക്കു​ന്ന​ത്.

ജോ​സ്​ വി​ഭാ​ഗം 14 ജി​ല്ല​ക​ളി​ൽ 27 സീ​റ്റി​ലും. സം​യു​ക്ത കേ​ര​ള കോ​ൺ​ഗ്ര​സ്​ ആ​യി​രി​ക്കു​േ​മ്പാ​ൾ ക​ഴി​ഞ്ഞ ത​വ​ണ ​11 സീ​റ്റി​ലാ​യി​രു​ന്നു കോ​ട്ട​യം ജി​ല്ല പ​ഞ്ചാ​യ​ത്തി​ൽ മ​ത്സ​രം. ഇ​ത്ത​വ​ണ കോ​ട്ട​യ​ത്ത്​ ജോ​സ്​ വി​ഭാ​ഗ​ത്തി​നു​ കി​ട്ടി​യ​ത്​ ഒ​മ്പ​തു സീ​റ്റും.

സിപിഐ​യു​മാ​യു​ള്ള ത​ർ​ക്ക​മാ​ണ്​ ഇ​തി​നു​ കാ​ര​ണം. എ​ങ്കി​ലും ജോ​സ്​​പ​ക്ഷം സം​തൃ​പ്​​ത​രാ​ണ്. ജോ​സ​ഫ്​ വി​ഭാ​ഗം കോ​ട്ട​യ​ത്ത്​ ഒ​മ്പ​ത്​ ജി​ല്ല പ​ഞ്ചാ​യ​ത്ത്​ ഡി​വി​ഷ​നി​ൽ മ​ത്സ​രി​ക്കു​ന്നു​ണ്ട്. ഇ​തി​ൽ വൈ​ക്ക​ത്ത്​ കോ​ൺ​​ഗ്ര​സ്​ സ്ഥാ​നാ​ർ​ഥി​യാ​ണ്​ മ​ത്സ​രി​ക്കു​ന്ന​ത്.

ഇ​ട​തു മു​ന്ന​ണി​യു​ടെ ശ​ക്തി​കേ​ന്ദ്ര​മാ​യ ഇ​വി​ടെ എ​തി​ർ സ്ഥാ​നാ​ർ​ഥി​യെ​ നേ​രി​ടാ​ൻ കോ​ൺ​ഗ്ര​സ്​ വേ​ണ​മെ​ന്ന​തി​നാ​ലാ​ണി​തെ​ന്ന്​ മോ​ൻ​സ്​ ജോ​സ​ഫ്​ എം.​എ​ൽ.​എ പ​റ​ഞ്ഞു.

ഇ​ത്ത​വ​ണ തെ​ര​ഞ്ഞെ​ടു​പ്പി​ൽ ഇ​രു​കേ​ര​ള കോ​ൺ​ഗ്ര​സു​ക​ളും നേ​രി​ട്ട്​ ഏ​റ്റു​മു​ട്ടു​ന്നു​വെ​ന്ന​തും ശ്ര​ദ്ധേ​യ​മാ​ണ്. ഇ​രു​പ​ക്ഷ​ത്തി​നും ഇ​ത്​ ജീ​വ​ന്മ​ര​ണ പോ​രാ​ട്ട​വു​മാ​ണ്. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ പ​ത്ത​നം​തി​ട്ട​യി​ൽ കേ​ര​ള കോ​ൺ​ഗ്ര​സി​ന്​ ഒ​രു​സീ​റ്റാ​ണ്​ ല​ഭി​ച്ച​തെ​ങ്കി​ൽ ഇ​ത്ത​വ​ണ ഇ​രു​കൂ​ട്ട​ർ​ക്കും ഒാ​രോ​സീ​റ്റ്​ ന​ൽ​കി. ഇ​ടു​ക്കി ജി​ല്ല പ​ഞ്ചാ​യ​ത്തി​ൽ കേ​ര​ള കോ​ൺ​ഗ്ര​സ്​ ക​ഴി​ഞ്ഞ തെ​ര​ഞ്ഞെ​ടു​പ്പി​ൽ അ​ഞ്ചു​സീ​റ്റി​ൽ മ​ത്സ​രി​ച്ചെ​ങ്കി​ൽ ഇ​േ​പ്പാ​ൾ ജോ​സ്​ നാ​ലി​ട​ത്തും ജോ​സ​ഫ്​ അ​ഞ്ചി​ട​ത്തും മ​ത്സ​രി​ക്കു​ന്നു.

എ​റ​ണാ​കു​ള​ത്തും ഇ​രു​കൂ​ട്ട​ർ​ക്കും ര​ണ്ടു​സീ​റ്റ്​ വീ​തം ല​ഭി​ച്ചി​ട്ടു​ണ്ട്. പാ​ലാ ന​ഗ​ര​സ​ഭ​യി​ൽ ജോ​സ്​ വി​ഭാ​ഗം 16 സീ​റ്റി​ൽ മ​ത്സ​രി​ക്കു​ന്നു​ണ്ട്. സിപിഎം വി​ട്ടു​കൊ​ടു​ത്ത​ത്​ എ​ട്ട്​ സീ​റ്റും. ജോ​സ​ഫ്​ വി​ഭാ​ഗം13 സീ​റ്റി​ലും.

മു​മ്പ്​ ജോ​സ​ഫ്​ പ​ക്ഷ​ക്കാ​രാ​യ ​ആ​രും ജ​യി​ച്ചി​രു​ന്നി​ല്ല. ഇ​രു​വ​രും ത​മ്മി​ലെ പോ​രാ​ട്ട​ത്തി​ൽ ജോ​സ്​-​ജോ​സ​ഫ്​ വി​ഭാ​ഗ​ങ്ങ​ൾ എ​ത്ര​യി​ട​ത്ത്​ വി​ജ​യി​ക്കു​മെ​ന്ന ആ​ശ​ങ്ക​യി​ലാ​ണ്​ മു​ന്ന​ണി നേ​തൃ​ത്വം.