ലണ്ടൻ: ഓക്‌സ്‌ഫോര്‍ഡ് സര്‍വ്വകലാശാല വികസിപ്പിച്ചെടുത്ത കൊറോണ വാക്‌സിന്റെ വില പുറത്തുവിട്ട് സെറം ഇന്‍സ്റ്റിറ്റിയൂച്ച്. ഓക്‌സ്‌ഫോര്‍ഡ് സര്‍വ്വകലാശാല ആസ്ട്ര സിനിക, കാന്‍ഡിഡേറ്റ് എന്നീ രണ്ട് വാക്‌സിനുകളാണ് പുറത്തിറക്കുന്നത്. ഇതിന്റെ രണ്ട് ഡോസിന് 1000 രൂപ വില വരുമെന്നാണ് യുഎസ് വിദഗ്ധര്‍ പറയുന്നത്. ഇത് ഫൈസര്‍ ഡാറ്റ സോളിഡ് ആണെന്നും ഇവര്‍ പറഞ്ഞു.
വാക്സിന് 2021 ഫെബ്രുവരിയില്‍ ലഭ്യമാകുമെന്ന് അധികൃതര്‍ നേരത്തെ പുറത്തുവിട്ടിരുന്നു. രണ്ട് ഡോസുകള്‍ക്ക് പരമാവധി 100 രൂപ വില നല്‍കേണ്ടിവരുമെന്നാണ് സെറം ഇന്‍സ്റ്റിറ്റ്യൂട്ട് വ്യക്തമാക്കുന്നത്. ഇവയുടെ വേഗതയും സുരക്ഷയും കൂടുതലാണെന്നാണ് പറയുന്നത്. ഇത്തരത്തിലുള്ള വാക്‌സിനുകളെ അസാധാരണ ശാസ്ത്രീയ മുന്നേറ്റമായിട്ടാണ് കണക്കാക്കുന്നത്.
ആദ്യഘട്ടത്തില്‍ മരുന്ന് വിതരണം ചെയ്യുന്നത് ആരോഗ്യപ്രവര്‍ത്തകര്‍ക്കും പ്രായമായവര്‍ക്കുമായിരിക്കും. ഏപ്രിലോടെ തന്നെ മറ്റുള്ളവര്‍ക്കും വാക്സിന് വിതരണം നടത്തുമെന്നും സിറം ഇന്‍സ്റ്റിറ്റ്യൂട്ട് അറിയിച്ചു.
നിലവില്‍ അഞ്ച് വാക്‌സിനുകളാണ് ഇന്ത്യയില്‍ ക്ലിനിക്കല്‍ പരീക്ഷണ ഘട്ടത്തിലുള്ളത്. ഓക്‌സ്‌ഫോര്‍ഡ് സര്‍വ്വകലാശാലയുടെ വാക്‌സിനുകളുടെ പരീക്ഷണം അവസാന ഘട്ടത്തിലാണ്. അതേസമയം, ഭാരത് ബയോടെക് നിര്‍മ്മിച്ച കോവാക്‌സിന്‍ മൂന്നാംഘട്ട പരീക്ഷണം ഇന്നാരംഭിക്കും.