കോ​ഴി​ക്കോ​ട്​: ആ​കാ​ശവാണി ആലപ്പുഴ നിലയം നിർത്തലാക്കാൻ ശ്രമിച്ചതു പോലെ കോ​ഴി​ക്കോ​ട്​ ആ​കാ​ശ​വാ​ണി​യു​ടെ എ.​എം വി​ഭാ​ഗ​വും ഇ​നി ഓ​ർ​മ​യാ​യേ​ക്കും. എഎം (ആം​പ്ലി​റ്റ്യൂ​ഡ്​ മോ​ഡു​ലേ​റ്റ​ഡ്) ട്രാ​ൻ​സ്​​മി​ഷ​ൻ സം​വി​ധാ​ന​ത്തി​ലു​ള്ള റേ​ഡി​യോ സ്​​റ്റേ​ഷ​നു​ക​ൾ അ​ട​ച്ചു​പു​ട്ടാ​നു​ള്ള നീ​ക്കം സ​ജീ​വ​മാ​കു​ന്ന​തോ​ടെയാണിത്.

എഎം സ്​​റ്റേ​ഷ​നു​ക​ൾ കാ​ല​ഹ​ര​ണ​പ്പെ​​ട്ടെ​ന്നും പ്ര​വ​ർ​ത്ത​ന ചെ​ല​വ്​ കൂ​ടു​ത​ലാ​ണെ​ന്നു​മു​ള്ള ന്യാ​യം​പ​റ​ഞ്ഞാ​ണ്​ രാ​ജ്യ​ത്തെ നി​ര​വ​ധി ആ​കാ​ശ​വാ​ണി നി​ല​യ​ങ്ങ​ൾ അ​ട​ച്ചു​പൂ​ട്ടാ​ൻ പ്ര​സാ​ർ ഭാ​ര​തി ഒ​രു​ങ്ങു​ന്ന​ത്. ട്രാ​ൻ​സ്​​മി​ഷ​ൻ വാ​ൾ​വു​ക​ൾ കാ​ല​ഹ​ര​ണ​പ്പെ​ട്ട​തും ആ​കാ​ശ​വാ​ണി നി​ല​യ​ങ്ങ​ൾ പൂ​ട്ടാ​ൻ കാ​ര​ണ​മാ​ണ്. സ്വ​കാ​ര്യ ക​ൺ​സ​ൾ​ട്ട​ൻ​സി​യു​ടെ ഉ​പ​ദേ​ശം മാ​നി​ച്ചാ​ണ്​ കേ​ന്ദ്ര​സ​ർ​ക്കാ​ർ ജ​ന​പ്രി​യ നി​ല​യ​ങ്ങ​ൾ​ക്ക്​ താ​ഴി​ടു​ന്ന​ത്.

എ​ഫ്എം ബാ​ൻ​ഡു​ക​ൾ നി​ല​നി​ർ​ത്തും. റി​ലേ വാ​ർ​ത്ത​ക​ള​ട​ക്കം എഎം ബാ​ൻ​ഡി​ലാ​ണ്​ നി​ല​വി​ൽ പ്ര​ക്ഷേ​പ​ണം ​ ചെയ്യു​ന്ന​ത്. തൃ​ശൂ​ർ നി​ല​യ​ത്തി​നും കേ​ന്ദ്ര​തീ​രു​മാ​നം തി​രി​ച്ച​ടി​യാ​കും. ആ​ല​പ്പു​ഴ​യി​ൽ പൂ​ട്ടാ​നു​ള്ള തീ​രു​മാ​നം വ്യാ​പ​ക പ്ര​തി​ഷേ​ധ​ത്തെ തു​ട​ർ​ന്ന്​ താ​ൽ​ക്കാ​ലി​ക​മാ​യി മ​ര​വി​പ്പി​ച്ചി​രിക്കുകയാണ്. ഏതു സമയത്തും പ്രവർത്തനം നിലയ്ക്കാമെന്നതാണ് സ്ഥിതി.