കൊടുവള്ളി: സ്വർണക്കടത്ത് കേസിൽ ആരോപണ വിധേയനായ കാരാട്ട് ഫൈസൽ കൊടുവള്ളിയിലെ എൽഡിഎഫ് സ്ഥാനാർഥി. കൊടുവള്ളി നഗരസഭയിലെ 15ാം വാർഡിൽ നിന്നാണ് ഫൈസൽ ജനവിധി തേടുന്നത്. പിടിഎ റഹീം എംഎൽഎയാണ് ഫൈസലിനെ സ്ഥാനാർഥിയായി പ്രഖ്യാപിച്ചത്.
സ്വർണക്കടത്ത് കേസുമായി ബന്ധപ്പെട്ട് കൊടുവള്ളി നഗരസഭ കൗൺസിലറായ കാരാട്ട് ഫൈസലിനെ കസ്റ്റംസ് കസ്റ്റഡിയിലെടുത്തിരുന്നു. കാരാട്ട് ഫൈസലിൻ്റെ വീട്ടിൽ കസ്റ്റംസ് റെയ്ഡ് നടത്തിയിരുന്നു. പറമ്പത്ത്കാവ് നഗരസഭ വാർഡിൽ നിന്നും എൽഡിഎഫ് സ്വതന്ത്രനായി മത്സരിച്ചാണ് കാരാട്ട് ഫൈസൽ കഴിഞ്ഞതവണ നഗരസഭയിലെത്തിയത്.
