തിരുവനന്തപുരം: ഫ്ളാറ്റ് തട്ടിപ്പ് കേസിൽ ഹീര കൺസ്ട്രക്ഷൻ കമ്പനി ഉടമ അബ്ദുൽ റഷീദ് എന്ന ഹീര ബാബുവിനെ (64) പൊലീസ് അറസ്റ്റ് ചെയ്തു. 2019 ലെ പരാതിയിലാണ് വ്യാഴാഴ്ച രാത്രിയോടെ മ്യൂസിയം പൊലീസ് അറസ്റ്റ് ചെയ്തത്.
സ്റ്റേറ്റ് ബാങ്ക് ഇന്ത്യയെ കബളിപ്പിച്ച്‌ കോടികള്‍ തട്ടിയെന്ന കേസിൽ ഹീര കണ്‍സ്ട്രക്ഷന്‍ കമ്പനി പ്രൈവറ്റ് ലിമിറ്റഡിനെതിരെ സിബിഐ കേസ് രജിസ്റ്റർ ചെയ്തിരുന്നു. ഇതുമായി ബന്ധപ്പെട്ട് കേസിലാണ് അറസ്റ്റെന്നാണ് വിവരം.
