ന്യൂഡെല്‍ഹി: രാഹുല്‍ ഗാന്ധി എംപി ഇന്ന് കേരളത്തിലെത്തും. രണ്ട് ദിവസത്തെ സന്ദര്‍ശനത്തിനായാണ് രാഹുല്‍ എത്തുന്നത്. ഔദ്യോഗിക യോഗങ്ങളില്‍ നേരിട്ട് പങ്കെടുക്കുകയാണ് ലക്ഷ്യം. ഇന്ന് രാവിലെ 11.30 രാഹുല്‍ കരിപ്പൂരില്‍ വിമാനമിറങ്ങും. കൊറോണ പ്രോട്ടോക്കോള്‍ പാലിച്ചായിരിക്കും രാഹുല്‍ പാരിപാടികളില്‍ പങ്കെടുക്കുന്നതെന്ന് കോണ്‍ഗ്രസ് വൃത്തങ്ങള്‍ അറിയിച്ചു.
അതേസമയം ആള്‍ക്കൂട്ടമുണ്ടാകുന്ന പരിപാടികളിലൊന്നും രാഹുല്‍ പങ്കെടുക്കില്ല.
ഔദ്യോഗിക പരിപാടികള്‍ മാത്രമാകും ഈ ദിവസങ്ങളില്‍ ഉണ്ടാകുക.കഴിഞ്ഞ ദിവസം രാഹുല്‍ വയനാട്ടിൽ ഓണ്‍ലൈനായി ഉദ്ഘാടനം നിര്‍വഹിക്കേണ്ട പരിപാടിക്ക് സര്‍ക്കാര്‍ അനുമതി നിഷേധിച്ചത് വിവാദമായിരുന്നു.