ന്യൂഡെല്‍ഹി: മിന്നാമിനിങ്ങുകൾ മിന്നിത്തിളങ്ങി. ആ രാത്രിയിലെ കൂരിരിട്ടിൽ തിളങ്ങി നില്‍ക്കുന്ന മരം ഇരുപത്തിമൂന്നുകാരി ഐശ്വര്യ ശ്രീധർ കാമറയിൽ പകർത്തി. അങ്ങനെ വൈല്‍ഡ് ലൈഫ് ഫോട്ടോഗ്രാഫര്‍ ഓഫ് ദ ഇയര്‍ പുരസ്കാരം ഐശ്വര്യ സ്വന്തമാക്കി. ഇത്തരമൊരു പുരസ്കാരം സ്വന്തമാക്കുന്ന ആദ്യ ഇന്ത്യക്കാരി കൂടിയാണ് ഐശ്വര്യ. ലൈറ്റ്സ് ഓഫ് പാഷന്‍ എന്നു പേരിട്ടിരിക്കുന്ന ചിത്രത്തിനാണ് പുരസ്കാരം.
കഴിഞ്ഞവര്‍ഷം ഒരു ട്രക്കിങ്ങിന് പോയപ്പോഴാണ് ഐശ്വര്യ മിന്നാമിനുങ്ങുകളുടെ ചിത്രങ്ങള്‍ പകര്‍ത്തിയത്. 80 രാജ്യങ്ങളില്‍നിന്നുള്ള 50,000 എന്‍ട്രികളില്‍നിന്നാണ് ഐശ്വര്യയുടെ ചിത്രം പുരസ്കാരത്തിനായി തെരഞ്ഞെടുത്തത്.
ലണ്ടനിലെ നാച്യുറല്‍ ഹിസ്റ്ററി മ്യൂസിയമാണ് 56ാമത് വൈല്‍ഡ് ലൈഫ് ഫോട്ടോഗ്രാഫര്‍ ഓഫ് ദ ഇയര്‍ പുരസ്കാരം പ്രഖ്യാപിച്ചത്.
‘ഒരു വന്യജീവി ഫോട്ടോഗ്രാഫര്‍ എന്ന നിലയില്‍ ഇന്ത്യക്കും എനിക്കുമുള്ള വലിയ നിമിഷം. ഈ മത്സരത്തില്‍ തെരഞ്ഞെടുക്കപ്പെടുന്ന ഏറ്റവും പ്രായം കുറഞ്ഞ, ആദ്യത്തെ പെണ്‍കുട്ടിയായി. ഈ അവാര്‍ഡ് എനിക്ക് ലഭിച്ച ഏറ്റവും വലിയ അംഗീകാരമാണ്. എല്ലാ ജൂറിക്കും വൈല്‍ഡ് ഫോട്ടോഗ്രാഫര്‍ ഓഫ് ദ ഇയര്‍ ടീമിനും നന്ദി’ -ഐശ്വര്യ ശ്രീധര്‍ ട്വീറ്റ് ചെയ്തു.
പനവേല്‍ സ്വദേശിയാണ് 23കാരിയായ ഐശ്വര്യ. വെല്‍ഡ് ലൈഫ് ഫോട്ടോ ഗ്രഫിക്ക് പുറമെ സിനിമ നിര്‍മാതാവ് കൂടിയാണ് ഐശ്വര്യ. 2019ല്‍ പ്രിന്‍സസ് ഡയാന ഫൗണ്ടേഷന്‍ ഏര്‍പ്പൈടുത്തിയ ഡയാന അവാര്‍ഡ് ഐശ്വര്യക്ക് ലഭിച്ചിരുന്നു.