ന്യൂഡെൽഹി: വിമതരെയും തീവ്രവാദ ഗ്രൂപ്പുകളെയും അടിച്ചമർത്താൻ മ്യാൻമർ ഇന്ത്യയ്ക്ക് സമ്പൂർണ്ണ സഹകരണം വാഗ്ദാനം ചെയ്തു. ഇന്ത്യൻ വിദേശകാര്യ സെക്രട്ടറി ഹർഷ് ശൃംഖലയും കരസേനാ മേധാവി എംഎം നരവാനെയും മ്യാൻമർ സ്റ്റേറ്റ് കൗൺസിലറായ ഓങ് സാൻ സൂചിയെ സന്ദർശിച്ചപ്പോഴാണ് ഇക്കാര്യത്തിൽ മ്യാൻമാർ ഉറപ്പ് നൽകിയത്. മ്യാൻമാർ വിദേശകാര്യമന്ത്രി നെയ്പിറ്റാവും കൂടിക്കാഴ്ചയിൽ സന്നിഹിതനായിരുന്നു.
രണ്ട് ദിവസത്തെ മ്യാന്മർ സന്ദർശനത്തിന്റെ ഭാഗമായാണ് ഇരുവരും ഓങ് സാൻ സൂചിയെ സന്ദർശിച്ചത്. ഇരുവരും തമ്മിലുള്ള കൂടിക്കാഴ്ചയിൽ
ഇന്ത്യയും മ്യാൻമറും അഭിമുഖീകരിക്കുന്ന ഉഭയകക്ഷി പ്രശ്നങ്ങളെക്കുറിച്ച് ചർച്ച ചെയ്തു. മ്യാൻമറിലെ ഇന്ത്യൻ എംബസിയാണ് ട്വിറ്ററിലൂടെ ഇക്കാര്യം പുറത്തു വിട്ടത്.
കാലഡാൻ ഗതാഗത, കാർഗോ പദ്ധതിയുടെ ഭാഗമായ മ്യാൻമറിലെ സിറ്റ്വേ തുറമുഖം 2021 ആദ്യ പകുതിക്ക് മുൻപ് തന്നെ പ്രവർത്തനസജ്ജമാകുമെന്ന് ഇന്ത്യ അറിയിച്ചിട്ടുണ്ട്. ഇന്ത്യയുടെ വടക്കുകിഴക്കൻ സംസ്ഥാനങ്ങളിലെ തീവ്രവാദ പ്രവർത്തനങ്ങളും കൂടിക്കാഴ്ചയുടെ മുഖ്യ അജണ്ടയിൽ ഉണ്ടായിരുന്നു.
