കീവ്: യുക്രെയിനിന്റെ കിഴക്കന്‍ പ്രദേശമായ ഖാര്‍കിവിനു സമീപം വ്യോമസേന വിമാനം തകര്‍ന്നുവീണ് സൈനിക കേഡറ്റുകള്‍ ഉള്‍പ്പെടെ 22 പേര്‍ കൊല്ലപ്പെട്ടു. അപകടത്തില്‍ രണ്ട് പേര്‍ക്ക് ഗുരുതരമായി പരിക്കേറ്റതായി യുക്രെയിന്‍ ആഭ്യന്തര മന്ത്രാലയം അറിയിച്ചു.21 സൈനിക വിദ്യാര്‍ത്ഥികളും ഏഴ് ജീവനക്കാരുമടക്കം 28 യാത്രക്കാരായിരുന്നു വിമാനത്തിലുണ്ടായിരുന്നത്. മറ്റുള്ളവര്‍ക്കായി തെരച്ചില്‍ നടത്തുകയാണെന്ന് യുക്രെയിന്‍ ആഭ്യന്തരമന്ത്രി ആന്‍റണ്‍ ജെറാഷ്ചെങ്കോ പറഞ്ഞു.
തകരാറിന്റെ കാരണം ഇപ്പോള്‍ പറയുക അസാധ്യമാണെന്നും വിമാനാപകടം അന്വേഷിക്കാന്‍ പ്രത്യേക സംഘത്തെ നിയോഗിക്കുമെന്നും അദ്ദേഹം കൂട്ടിച്ചേര്‍ത്തു. വെള്ളിയാഴ്ച പ്രാദേശിക സമയം രാത്രി 8:50 ഓടെ (17:50 ജിഎംടി) ചുഹൂവ് സൈനിക വ്യോമതാവളത്തില്‍ നിന്ന് രണ്ട് കിലോമീറ്റര്‍ (1 മൈല്‍) അകലെയാണ് അന്റോനോവ് -26 എന്ന ഗതാഗത വിമാനം തകര്‍ന്നത്. ശനിയാഴ്ച ഈ മേഖലയിലേക്ക് പോകുമെന്ന് യുക്രേനിയന്‍ പ്രസിഡന്റ് വോലോഡൈമര്‍ സെലന്‍സ്കി പറഞ്ഞു. ദുരന്തത്തിന്റെ എല്ലാ സാഹചര്യങ്ങളും കാരണങ്ങളും അന്വേഷിക്കാന്‍ അടിയന്തിരമായി ഒരു കമ്മീഷന്‍ സൃഷ്ടിക്കുന്നു, ‘അദ്ദേഹം ഫേസ്ബുക്കില്‍ കുറിച്ചു.