ന്യൂഡെൽഹി: ഇന്ത്യയുടെ കൊറോണ വാക്സിന്റെ ആദ്യ ഘട്ട ക്ലിനിക്കൽ പരീക്ഷണം വിജയകരമെന്നു ഗവേഷകർ. കോവാക്സിന്റെ മൃഗങ്ങളിൽ നടത്തിയ പരീക്ഷണമാണ് വിജയകരമായതെന്ന് ഗവേഷകർ അറിയിച്ചു. രാജ്യത്തെ 12 സ്ഥാപനങ്ങളിലായി ഐ.സി.എം.ആറും ഭാരത് ബയോടെകും ചേർന്നാണ് പരീക്ഷണം നടത്തുന്നത്.
ആദ്യ ഘട്ടത്തിൽ 20 കുരങ്ങന്മാരെ നാല് ഗ്രൂപ്പുകളായി തിരിച്ച് ഇവർക്ക് വാക്സിൻ നൽകിയാണ് പരീക്ഷണം നടത്തിയത്. ഇതിൽ രണ്ടാമത്തെ ഡോസ് മരുന്ന് നൽകിയപ്പോൾ കൊറോണക്ക് എതിരായ ആന്റിബോടി ഉണ്ടെയെന്നാണ് കണ്ടെത്തൽ.
നേരത്തെ ഓക്സ്ഫോര്‍ഡ് യൂണിവേഴ്സിറ്റിയുടെ കൊറോണ വാക്സിന്‍ പരീക്ഷണം ഇന്ത്യയില്‍ താല്‍ക്കാലികമായി നിര്‍ത്തിയിരുന്നു. യുകെയില്‍ നടത്തിയ പരീക്ഷണത്തില്‍ ഒരാള്‍ക്ക് അജ്ഞാതരോഗം കണ്ടെത്തിയതിനെ തുടന്നാണ് പരീക്ഷണം നിര്‍ത്താന്‍ സെറം ഇന്‍സ്റ്റിറ്റ്യൂട്ട് തീരുമാനിച്ചത്.
