ചെന്നൈ: ഇന്ത്യയില്‍ നിരോധിച്ച ഓണ്‍ലൈന്‍ ഗെയിം ആയ പബ്ജി കളിച്ചതിന് പിതാവ് ദേഷ്യപ്പെട്ടതില്‍ മനംനൊന്ത് വിദ്യാര്‍ത്ഥി ആത്മഹത്യ ചെയ്തു. തമിഴ്‌നാട്ടിലെ വനിയമ്പാടി സ്വദേശിയായ 12 ക്ലാസുകാരന്‍ ശ്രീനിവാസന്‍ ആണ് തൂങ്ങി മരിച്ചത്. കേന്ദ്രസര്‍ക്കാര്‍ പബ്ജി നിരോധിച്ചതോടെയാണ് മകനോട് പിതാവ് പെരുമാള്‍ ഇളയമകനായ ശ്രീനിവാസനോട് പബ്ജി കളിക്കരുതെന്ന് ആവശ്യപ്പെട്ടത്.
കൊറോണ കാരണം രാജ്യം ലോക്ക്ഡൗണിലായതോടെയാണ് ശ്രീനിവാസന്‍ കൂടുതല്‍ സമയം പബ്ജി കളിക്കാന്‍ ആരംഭിച്ചത്. പബ്ജി കളി നിര്‍ത്തിയില്ലെങ്കില്‍ ഫോണ്‍ എടുത്തുമാറ്റുമെന്നും പെരുമാള്‍ പറഞ്ഞു. പിതാവ് ദേഷ്യപ്പെട്ടതില്‍ മനംനൊന്ത് ശ്രീനിവാസ് തൂങ്ങി മരിക്കുകയായിരുന്നു.
കുട്ടിയുടെ മൃതദേഹം പോസ്റ്റ്‌മോര്‍ട്ടത്തിനായി അയച്ചു. പബ്ജി മൂലം നിരവധി വിദ്യാർത്ഥികൾ ആത്മഹത്യ ചെയ്ത സംഭവം ഇന്ത്യയിൽ പലയിടങ്ങളിലായി റിപ്പോർട്ട് ചെയ്തിട്ടുണ്ട്.
